Ռուսաստանի ՀՕՊ համակարգերը գիշերը ՌԴ մարզերի վրա ուկրաինական 375 անօդաչու են որսացել և ոչնչացրել։ Այս մասին հայտնում է Ռուսաստանի պաշտպանության նախարարությունը։
«Հուլիսի 15–ի ժամը21:00–ից (Մոսկվայի ժամանակով) մինչև հուլիսի 16–ի Մոսկվայի ժամանակով ժամը 08:00–ն ՀՕՊ հերթապահ միջոցները որսացել և ոչնչացրել են ինքնաթիռատիպ ուկրաինական 375 անօդաչու թռչող սարք», – ասվում է նախարարության հաղորդագրության մեջ։

Հաղորդվում է, որ անօդաչուները խոցվել են Բելգորոդի, Բրյանսկի, Վոլգոգրադի, Վորոնեժի, Կալուգայի, Կուրսկի, Լիպեցկի, Օրյոլի, Ռոստովի, Ռյազանի, Սարատովի, Սմոլենսկի, Տվերի, Տուլայի և Յարոսլավլի մարզերի, Մոսկվայի մարզի, Կրասնոդարի և Ստավրոպոլի երկրամասերի, Ղրիմի, Ազովի և Սև ծովերի վրա։