Զանգվածային թունավորում ռուսական հանգստյան տներից մեկում
Sun, 19 Jul 2026 19:30:32 +0400
Զանգվածային թունավորում է տեղի ունեցել ՌԴ Ստավրոպոլի երկրամասի հանգստյան տներից մեկում։ Սուր աղիքային ինֆեկցիայով վարակվել է ութսուն մարդ, այդ թվում՝ քսանմեկ երեխա։ Այս մասին հայտնում են ռուսական լրատվամիջոցները։
Համաձայն հաղորդման, թունավորման պատճառը եղել է սալմոնելան, որը նկատվել է պատրաստի կերակրատեսակներում։ «Ոսկե ավազներ» հյուրանոցում հանգստանալուց հետո՝ ութսուն մարդ դիմել է բուժօգնության՝ սննդային թունավորման ախտանիշներով։ Վարկածներից մեկի համաձայն՝ թունավորման պատճառ կարող էին լինել մսային կերակուրները։ Քննչական կոմիտեի երկրամասային ստորաբաժանումում հարուցվել է քրեական գործ։ Սկսվել է հետաքննություն։