Եվրոպայում շոգերը շարունակվում են․ ջերմային նոր ալիք է սպասվում
Mon, 20 Jul 2026 17:30:29 +0400
Եվրոպայում ամռան ամենաշոգ շրջանը հուլիսի վերջին տասնօրյակն է եւ օգոստոսի առաջին տասնօրյակը։ Այդ ժամանակ է, որ եվրոպական ցամաքը ենթարկվում է նոր ջերմային ալիքների ազդեցությանը։ Հարավային Եվրոպայում արդեն զգացվել են նոր ջերմային ալիքի նախանշանները։ Իսպանիայում եւ Իտալիայի հարավում սնդիկի սյունը նորից սկսել է ռեկորդներ սահմանել։ Սարդինիայում ստվերում +47 աստիճան է։ Առաջիկա օրերին Իտալիայում, Հունաստանում եւ Բալկաններում սնդիկի սյունը կգտնվի +30-+35 աստիճանի սահմաններում ըստ Ցելսիուսի սանդղակի։ Գիշերային ժամերին եւ վաղ առավոտյան ջերմաստիճանը չի նվազի +25 աստիճանից։ Սակայն մի քանի օրից վիճակը կփոխվի եւ շոգերը կսաստկանան։ Նոր ջերմային ալիքի պայմաններում սակայն Իտալիայում եւ Իսպանիայում կարող է գրանցվել ջերմային ռեկորդ՝ +50 աստիճան։