Մեկ դրամն էլ է շատ, որ ձեր իշխանությունը ստանում է…

Մեկ դրամն էլ է շատ, որ ձեր իշխանությունը ստանում է…

Fri, 24 Jul 2026 13:15:54 +0400


Տարոն Չախոյանին, կարծես, հանգիստ չի տալիս այն միտքը, որ Սամվել Կարապետյանը հայտարարել էր՝ եթե ընտրվի վարչապետ, պատրաստ է աշխատել 1 դրամով։

Երիտասարդին հիշեցնեմ՝ այդ խոստումը վերաբերում էր վարչապետի պաշտոնին ընտրվելուն։ Այսինքն՝ այն կարելի էր ստուգել միայն այն դեպքում, եթե այդ մարդը դառնար վարչապետ։ Բայց Սամվել Կարապետյանը վարչապետ չի ընտրվել, հետևաբար ինչպե՞ս կարող էր 1 դրամով աշխատել կամ իր խոստումը կատարել։ Սա նույնն է, ինչ ասել․ «Տեսա՞ք, լողալ չգիտի», երբ մարդը նույնիսկ ջուրը չի մտել։

Այդուհանդերձ, Տարոն Չախոյանը մեծ վստահությամբ եզրակացնում է․ «1 դրամով աշխատելու թեզը նախընտրական փուչիկ էր, որն ընտրություններից հետո, ինչպես և սպասվում էր, պետք է պայթեր»։

Եթե 1 դրամի խոստումը նախընտրական փուչիկ էր, ապա նույն չափանիշով եկեք հիշենք նաև այն խոստումներն ու հայտարարությունները, որոնք տարիներ շարունակ տվել է ձեր իշխանությունը։ Սկսենք «Արցախը Հայաստան է, և վերջ»-ից, հասնենք «Աղդամը իմ հայրենիքն է»-ին։ Մնացածը նույնիսկ թվարկել պետք չէ․ ժամանակը ցույց է տվել, որ շատ հայտարարություններ իրականության հետ լուրջ հակասության մեջ են հայտնվել։
Բայց ամենազավեշտալին այն է, որ հիմա վարչապետի պաշտոնին վերաբերող խոստումը փորձում են տեղափոխել պատգամավորի աշխատանքի վրա։

«Ձևիստները փաստորեն 1 դրամով միայն վարչապետ էին պատրաստ աշխատել, իսկ պատգամավոր՝ ոչ»։
Այստեղ առաջանում է մի պարզ հարց․ ինչո՞ւ եք վարչապետի պաշտոնին վերաբերող խոստումը մեխանիկորեն դարձնում պատգամավորի պարտավորություն։ Եթե մարդն ասել է՝ «եթե վարչապետ ընտրվեմ, կաշխատեմ 1 դրամով», ապա խոսքը չէր վերաբերում պատգամավորի մանդատին։

Իսկ եթե իսկապես խոստումների չափանիշով ենք գնահատում քաղաքական ուժերին, ապա այդ չափանիշը պետք է կիրառել բոլորի նկատմամբ, ոչ թե ընտրովի։

Եվ այդ դեպքում ակնհայտ է դառնում մեկ բան․ 1 դրամն էլ է շատ այն իշխանության համար, որը տարիներ շարունակ սեփական խոստումների համար պատասխան չի տվել։ Հետևաբար՝ մեկ դրամն էլ է շատ, որ ձեր իշխանությունը ստանում է մեր հարկերից։

© 2026 Secure News Portal

Source: Hraparak

Hraparak.am

Recent Posts

Սամվել Կարապետյանին կալանավորելու որոշման դեմ բողոք է ներկայացվել

Սամվել Կարապետյանին կալանավորելու որոշման դեմ բողոք է ներկայացվել Mon, 16 Nov 2026 20:07:46 +0400 Սամվել…

9 րոպե ago

Փաշինյան թե Հաբիբ․ նայած ինչի համար՝ եթե գնում ես մի բան ստանալու՝ Հաբիբ, եթե տալու՝ Փաշինյան

Փաշինյան թե Հաբիբ․ նայած ինչի համար՝ եթե գնում ես մի բան ստանալու՝ Հաբիբ, եթե տալու՝…

15 րոպե ago

Ֆրանսիացի հարձակվողի համար գին են սահմանել

Ֆրանսիացի հարձակվողի համար գին են սահմանել Mon, 16 Nov 2026 20:00:45 +0400 Մյունխենի «Բավարիան» սահմանել…

16 րոպե ago

«Գյումրի» ԲԿ-ի նոր ղեկավարը Երևանից է․ ինչո՞ւ Արմեն Խաչատրյանը չնշանակվեց

«Գյումրի» ԲԿ-ի նոր ղեկավարը Երևանից է․ ինչո՞ւ Արմեն Խաչատրյանը չնշանակվեց Mon, 16 Nov 2026 19:45:47…

31 րոպե ago

Իշխանությունները վախենում էին Ստեփանավանում Արսեն Գևորգյանի հաղթանակից

Իշխանությունները վախենում էին Ստեփանավանում Արսեն Գևորգյանի հաղթանակից Mon, 16 Nov 2026 19:32:54 +0400 Latest news…

43 րոպե ago

Մարդակենտրոնի տակ եկան, դարձան մահակենտրոն

Մարդակենտրոնի տակ եկան, դարձան մահակենտրոն Mon, 16 Nov 2026 19:31:31 +0400 Latest news from Հրապարակ…

45 րոպե ago