Մահացու շոգն ավելի քան 3800 մարդու կյանք է խլել Իսպանիայում
Mon, 27 Jul 2026 16:00:43 +0400
Վարչապետ Պեդրո Սանչեսի խոսքով՝ Իսպանիայում 2026 թվականի սկզբից ի վեր ծայրահեղ շոգից մահացածների թիվը գերազանցել է 3800-ը։
Նա նշել է, որ անոմալ շոգը շարունակում է մնալ հանրային առողջության համար ամենալուրջ սպառնալիքներից մեկը։
Բարձր ջերմաստիճանը հատկապես դժվար տանելի և կենսապես վտանգավոր է տարեցների, երեխաների և քրոնիկ հիվանդություններ ունեցող մարդկանց համար։
Իսպանական իշխանությունները նախկինում երկրի մի քանի շրջաններում հայտարարել են առավելագույն եղանակային նախազգուշացում։
Որոշ շրջաններում ջերմաստիճանը բարձրացել է 42-44 աստիճանից բարձր, իսկ բնակիչներին խորհուրդ է տրվել հնարավորության դեպքում մնալ տանը ցերեկային ժամերին, խմել հեղուկ և խուսափել արևի տակ երկարատև մնալուց։