Նեթանյահուն չի հավատում Իրանին․ նոր մեղադրանքներ է հնչեցրել
Thu, 30 Jul 2026 17:00:34 +0400
Իսրայելի վարչապետ Բենիամին Նեթանյահուն մեկնաբանել է Իրանի միջուկային հարցի դիվանագիտական լուծման հեռանկարների գնահատականների տարբերությունները:
Պատասխանելով հաջող բանակցությունների հավանականության մասին հարցին՝ իսրայելցի առաջնորդը իր թերահավատությունն է արտահայտել Թեհրանի մտադրությունների վերաբերյալ։
«Չգիտեմ, թե որքանով է սա անիրատեսական, բայց ես չափազանց կասկածամիտ եմ Իրանի մեթոդների նկատմամբ: Նրանք միշտ ստում են, միշտ խաբում են և միշտ ձգձգում են», – ասել է Նեթանյահուն։
Միևնույն ժամանակ, Իսրայելի վարչապետը լիովին չի բացառել Թեհրանի կողմից արտաքին ազդեցության տակ իր դիրքորոշումը փոխելու հնարավորությունը: Նա նշել է, որ բավարար դիվանագիտական և տնտեսական ճնշումը տեսականորեն կարող է փոխել իրավիճակը, ուստի այս սցենարը «արժե փորձել»: