ՖԻՖԱ-ն հրաժարվեց․ ճնշումն ազդեց
Sat, 01 Aug 2026 18:00:32 +0400
ՖԻՖԱ-ն հրաժարվել է իր կոմերցիոն իրավունքների մի մասի վաճառքի ծրագրից։ Այս մասին Sky News հեռուստաալիքին հայտարարել է ՖԻՖԱ-ի նախագահ Ջանի Ինֆանտինոն։
«Ուշադիր լսելով բոլոր կարծիքները՝ մենք եկանք այն եզրակացության, որ նախագիծը առաջացրել է այնպիսի տարաձայնություններ, որոնց պայմաններում դրա իրականացումն այլևս չի համապատասխանում ի սկզբանե դրված նպատակին… Սրա հետ կապված՝ տվյալ առաջարկը չի իրականացվի»,- Ինֆանտինոյի խոսքերը մեջբերում է հեռուստաալիքը։
Հուլիսի 28-ին ՖԻՖԱ-ն հայտարարել էր FIFA Forward Enterprise նոր կոմերցիոն կառույցի (որի արժեքը գնահատվում էր 20 միլիարդ դոլար) բաժնետոմսերի շուրջ 20%-ի վաճառքի հաշվին մինչև 4.2 միլիարդ դոլար ներգրավելու մտադրության մասին։ ԶԼՄ-ների փոխանցմամբ՝ նախագծին պետք է մասնակցեր ամերիկյան Thrive Capital ներդրումային ընկերությունը, որը պատկանում է Ջոշուա Քուշներին, իսկ գործարքի խորհրդատուն JPMorgan բանկն էր։
Ավելի վաղ ՖԻՖԱ-ի նախաձեռնությունը քննադատել էին Հյուսիսային, Կենտրոնական Ամերիկայի և Կարիբյան ավազանի երկրների ֆուտբոլի կոնֆեդերացիայում (ԿՈՆԿԱԿԱՖ), իսկ Եվրոպական ֆուտբոլային ասոցիացիաների միությունը (ՈւԵՖԱ) հայտարարել էր կազմակերպության հովանու ներքո անցկացվող մրցաշարերը բոյկոտելու մասին։