Էլեկտրոմեքենաների արտոնությունը սպառվո՞ւմ է
Fri, 07 Aug 2026 12:45:19 +0400
Հայաստանի պետական եկամուտների կոմիտեն հրապարակել է էլեկտրաշարժիչով տրանսպորտային միջոցների ներմուծման համար սահմանված զրոյական մաքսատուրքի արտոնյալ քվոտայի օգտագործման վերաբերյալ տվյալներ։
Ըստ ՊԵԿ-ի՝ 2026 թվականի օգոստոսի 6-ի դրությամբ ԱՏԳ ԱԱ 8703 80 000 3 և 8703 80 000 5 ծածկագրերով դասվող էլեկտրական շարժիչով մեքենաների համար նախատեսված արտոնյալ քվոտայի մնացորդը բաշխված է հետևյալ կերպ։
Դիլեր-դիստրիբյուտոր հանդիսացող ընկերությունների համար հասանելի է մնացել 1255 ավտոմեքենայի քվոտա, ինչը նշանակում է, որ նախատեսված ծավալի 58 տոկոսն արդեն օգտագործվել է։
Միաժամանակ, դիլեր-դիստրիբյուտոր չհանդիսացող ներմուծողների դեպքում մնացել է 655 ավտոմեքենայի քվոտա, իսկ օգտագործման մակարդակը հասել է 95 տոկոսի։