Հարցերի մի մասը կրկնվող էր, իսկ որոշ հարցեր բավականին պարզունակ բնույթ ունեին
Mon, 10 Aug 2026 11:49:28 +0400
ԱԺ փոխնախագահի թեկնածու Արամ Վարդևանյանը խորհրդարանում իր եզրափակիչ ելույթում անդրադարձավ պատգամավորների կողմից իրեն ուղղված հարցերին և հնչած քննադատություններին։
Նրա խոսքով՝ հարցերի մի մասը կրկնվող էր, իսկ որոշ հարցեր, իր գնահատմամբ, բավականին պարզունակ բնույթ ունեին։ Վարդևանյանը նշեց, որ դրանց տված պատասխանների գնահատականը թողնում է հանրությանը։
Անդրադառնալով իր հասցեին հնչած բացասական և քննադատական ելույթներին՝ Վարդևանյանն ընդգծեց, որ անհրաժեշտության դեպքում կարող է առանձին-առանձին պատասխանել դրանց, սակայն չի պատրաստվում դա անել։
«Կարո՞ղ եմ դրանց հատ-հատ պատասխան տալ․ իհարկե, կարող եմ։ Անելո՞ւ եմ դա, թե՞ ոչ՝ չեմ անելու»,- ասաց ԱԺ փոխնախագահի թեկնածուն։