Մեկնարկում է հայտնի ռեփերի սպանության դատաքննությունը
Tue, 11 Aug 2026 21:30:50 +0400
Ամերիկյան Լաս-Վեգասում մեկնարկում է հայտնի ռեփեր Տուփակ Շակուրայի սպանության դատաքննությունը։ Այս մասին հայտնում է The Guardian պարբերականը։ Դատաքննությունն ամենայն հավանականությամբ կտեւի մեկ ամիս եւ կավարտվի երաժշտի սպանության երեսնամյակի օրը՝ սեպտեմբերի յոթին։ Հիշեցնենք, որ Տուփակի վրա կրակել էին 96 թվականի սեպտեմբերի յոթին։ Նա ստացած վիրավորումից մահացել էր սեպտեմբերի 13-ին։Գլխավոր մեղադրյալ է համարվում «Քրիփսի» առաջնորդը Դուեյն Դեւիսը։
Դատախազները կարծում են, որ նա է պատվիրել ռեփերի սպանությունը եւ տրամադրել ատրճանակը, որը կիրառվել է Շակուրային սպանելու համար։ Վերջինս այդ ժամանակ դեռ քսանհինգ տարեկան էր։ Եթե Դեւիսի նկատմամբ մեղադրական ակտ կայացվի, ապա նա երկար ժամանակ կհայտնվի ճաղերի հետեւում՝ առանց վաղաժամ ազատ արձակվելու իրավունքի։