Ավելի քան 230 զոհ, շուրջ 1400 վիրավոր․ երկրաշարժ՝ Կոլումբիայում
Wed, 12 Aug 2026 13:00:22 +0400
BluRadio-ի հաղորդմամբ, Կոլումբիայում արևմուտքում տեղի ունեցած հզոր երկրաշարժի հետևանքով զոհերի թիվը հասել է 234-ի։
Ամենամեծ թվով զոհեր գրանցվել են Կալիում և Պերեյրայում՝ համապատասխանաբար 95 և 90 մարդ։ Կիբդոյում մահացել է տասնչորս մարդ, իսկ Մանիսալեսում՝ ևս վեցը։
Վերջին տեղեկությունների համաձայն՝ դեպարտամենտների մայրաքաղաքներում վիրավորների թիվը հասել է 1310-ի։ Ավերվել է 153 շենք։
Վնասների պատճառով դադարեցվել է վեց օդանավակայանների աշխատանքը։
Տուժած տարածքներում շարունակվում են որոնողա-փրկարարական աշխատանքները և աղետի հետևանքների գնահատումը։