Դուստրը այրել է բնակարանը, որտեղ մայրը քնած է եղել
Wed, 12 Aug 2026 16:53:15 +0400
Այսօր վաղ առավոտյան՝ ժամը 06։27-ին, ՆԳՆ ահազանգ է ստացվել, որ Երևանի Վիլնյուսի փողոցի շենքերից մեկի 7-րդ հարկի բնակարաններից մեկում հրդեհ է բռնկվել։ Դեպքի վայր են մեկնել ՆԳՆ ՓԾ հրշեջ-փրկարարական ջոկատներից երկու մարտական հաշվարկ և մեկ ավտոսանդուղք: Հրդեհը մարվել է 07:44-ին։ Այրվել են ննջասենյակն ու միջանցքը։
Մեր տեղեկություններով, հրդեհը անզգուշության արդյունք չի եղել։ Նշված բնակարանում բնակվելիս են եղել մայր ու դուստր։ Վերջինս՝ ըստ հարևանների, ունի հոգեկան առողջության հետ կապված խնդիրներ և մինչ մայրը քնած է եղել ննջասենյակում, նա այրել է բնակարանը։ Փրկարարները նրանց տարհանել են բնակարանից։ Նրանք մարմնական վնասվածքներ կամ այրվածքներ չեն ստացել։