Աղբանոց նետված պահարանում գտել են 86 հազար եվրո
Fri, 14 Aug 2026 17:30:00 +0400
Իտալիայի Բոլոնյա քաղաքում երկու կին աղբանոց նետված պահարանից գտել են 86 հազար եվրո։ Այս մասին հայտնում է Corriere di Bologna պարբերականը։ Գումարը գտնելուց հետո, կանայք դիմել են քաղաքային իշխանություններին եւ հայտնել գտածոյի մասին։ Ընթացակարգի համաձայն, գտնված գումարը տեղափոխվել է քաղաքապետարանի պահոց։ Քաղաքային իշխանություններն իրենց հերթին հայտարարություն են տվել պաշտոնական լրատվական հարթակով։
Դրանից հետո հայտնվել է աղբանոց նետված կահույքի տիրոջ ժառանգը։ Համաձայն իտալական օրենսդրության, գումարի հանդեպ իրավունք են ձեռք բերել ինչպես այն գտնող երկու կանայք, այնպես էլ ժառանգը։ Եւ ահա, օրենքով սահմանված ժամկետի լրանալուց հետո, երեք անձինք համաձայնության են եկել, ըստ որի՝ պահարանը գտած կանանցից մեկը ստացել է 33 հազար եվրո, իսկ մնացած գումարը բաժանվել է ժառանգի եւ երկրորդ կնոջ միջեւ։