Եվս մեկ ցուցարար է մահապատժի ենթարկվել
Sun, 16 Aug 2026 16:00:17 +0400
Իրանում ի կատար են ածել Շահրամ Սադեղիի նկատմամբ կայացված դատավճիռը՝ մահապատիժը․ նա մեղադրվում էր այս տարվա հունվարին Քարաջում զանգվածային բողոքի ցույցերի ժամանակ իրավապահ մարմինների աշխատակիցներին վրաերթի ենթարկելու մեջ, հաղորդում է «Միզան» լրատվական գործակալությունը։
Իսլամական Հանրապետության դատական համակարգը հայտարարել է, որ Սադեղին «ֆունկցիոնալ գործողություններ» է իրականացրել Իսրայելի և Միացյալ Նահանգների շահերից ելնելով։
Նա նաև մեղադրվել է «Իսրայելի և թշնամական երկրների հետ համագործակցելու» մեջ՝ Իրանի ազգային անվտանգության և շահերի դեմ։
Ըստ գործակալության՝ Սադեղին իր մեքենան մխրճել է ոստիկանների մեջ՝ վիրավորելով յոթին։ Վիրավոր ոստիկաններից մեկը երեք ամիս անցկացրել է կոմայի մեջ։
Ըստ դատական համակարգի՝ միջադեպից հետո Սադեղին հրկիզել է մեքենան և փախել դեպքի վայրից։ Ավելի ուշ նա նույնականացվել և կալանավորվել է։