ԱԺ-ում հիշեցին ԱԼՄ-ն ու Տիգրան Կարապետյանին
Mon, 17 Aug 2026 12:40:50 +0400
ԱԺ նիստում ընդդիմադիր «Ուժեղ Հայաստան» խմբակցության ղեկավար Նարեկ Կարապետյանը քննադատության ենթարկեց նիստը վարելու ձևը՝ նշելով, որ վերջին երկու օրերի ընթացքում քննարկումները, իր գնահատմամբ, աստիճանաբար վերածվում են նախկին գումարման խորհրդարանին բնորոշ իրավիճակի։
Կարապետյանը նիստը նախագահողին կոչ արեց հրաժարվել երկարատև և, իր բնորոշմամբ, «պոետիկ» ելույթներից ու քննարկումները կենտրոնացնել գործնական հարցերի վրա։ Նա այդ համատեքստում հիշատակեց նաև Տիգրան Կարապետյանի ԱԼՄ հեռուստաընկերության ձևաչափը՝ ընդգծելով, որ խորհրդարանում անհրաժեշտ է աշխատանքային և կառուցողական քննարկում։
Ի պատասխան՝ ԱԺ նախագահ Ռուբեն Ռուբինյանը նշեց, որ պոեզիայի կիրառումը ինքնին խնդիր չէ, եթե այն օգտագործվում է որևէ միտք կամ ասելիք փոխանցելու նպատակով։