Չեմ մոռացել, որ ասել եմ՝ Արցախը Հայաստան է ու վերջ
Mon, 24 Aug 2026 11:31:47 +0400
Վարչապետ Նիկոլ Փաշինյանը հայտարարել է, որ Հայաստանի և Ադրբեջանի միջև հարաբերությունների կարգավորման համար անհրաժեշտ է հրաժարվել միմյանց երկրներում սեփական երկրի կամ դրա հետ կապված պատկերացումներ փնտրելու մոտեցումից։
Նրա խոսքով՝ երկու կողմերն էլ պետք է դադարեցնեն միմյանց նկատմամբ նման ընկալումների ձևավորումը և կենտրոնանան հարաբերությունների նոր փուլ կառուցելու վրա։
Փաշինյանն անդրադարձել է նաև նախկինում իր հնչեցրած «Արցախը Հայաստան է և վերջ» հայտարարությանը՝ նշելով, որ չի հրաժարվում այն փաստից, որ նման հայտարարություն արել է։ Միաժամանակ վարչապետը նշել է, որ վերջին տարիներին բազմաթիվ անգամ անդրադարձել է այդ հարցին և ներկայացրել իր դիրքորոշումը։
«Մենք պետք է դադարենք Ադրբեջանում Հայաստան փնտրել, Ադրբեջանը պետք է դադարի Հայաստանում Ադրբեջան փնտրել»,- ասել է նա։