Իրանն ունի մեկ ընտրություն․ ԱՄՆ-ի վերջնագիրը
Tue, 25 Aug 2026 13:30:46 +0400
ԱՄՆ պաշտպանության նախարար Փիթ Հեգսեթի խոսքով՝ Միացյալ Նահանգները չի բացառում Իրանի դեմ հարվածների վերսկսումը, սակայն տնտեսական ճնշումը համարում է Թեհրանի վրա ազդելու ամենաարդյունավետ գործիքը։
Վիսկոնսին նահանգի Օշկոշ քաղաքում լրագրողների հետ զրույցում Հեգսեթը հերքել է այն ենթադրությունը, որ Իրանի դեմ ամերիկյան հարվածները ներկայումս «հետաձգված են»։
«Ոչ։ Եթե մեզ անհրաժեշտ լինեն կինետիկ հարվածներ, մենք կիրականացնենք դրանք։ Եթե Իրանն այնքան հիմար լինի, որպեսզի գերագնահատի իր հնարավորությունները կամ բախվի ԱՄՆ զինված ուժերին, մենք կանենք այն, ինչ պետք է», – ասել է Պենտագոնի ղեկավարը։
Հեգսեթը հավելել է, որ տնտեսական ճնշումն այժմ ամենամեծ վնասն է հասցնում Իրանին։ Այնուամենայնիվ, ԱՄՆ-ն չի բացառում Հորմուզի նեղուցում կամ Իրանի մոտակայքում հարվածների հնարավորությունը։
Նրա խոսքով, Թեհրանն ունի «միայն մեկ ընտրություն»՝ համաձայնել միջուկային բանակցություններին, ինչպես ձգտում է ԱՄՆ նախագահ Դոնալդ Թրամփը։