Անոմալ շոգն ու երաշտը Եվրոպայում վտանգավոր իրավիճակ են ստեղծել

Անոմալ շոգն ու երաշտը Եվրոպայում վտանգավոր իրավիճակ են ստեղծել

Tue, 25 Aug 2026 22:00:49 +0400


Եվրոպայում վերջին տարիներին կլիման բավականին փոխվել է, եւ ամառներն առանձնակի շոգ են լինում, սակայն այս ամառ հաստատված անոմալ շոգ եղանակն ու երաշտն աննախադեպ են, նոր մահացու վտանգավոր իրավիճակ են ստեղծել։ Խոսքը վերաբերում է առաջին եւ երկրորդ աշխարհամարտերի ժամանակ չպայթած արկերին եւ զինամթերքին։

Euronews-ը հայտնում է, որ Արեւմտյան Եվրոպայում եւ հատկապես Գերմանիայում անտառային հրդեհների պատճառով ընդարձակ տարածքներ հրո ճարակ են դարձել։ Հրդեհաշիջման աշխատանքների ժամանակ հրշեջներն ավելի ու ավելի հաճախ են առերեսվում պայթյունների վտանգի հետ, ինչը պայմանավորված է հողի մեջ մնացած չպայթած հին զինամթերքի եւ արկերի առկայությամբ։ Դրանք հատկապես այն շրջաններում են, որտեղ երկու աշխարհամարտերի ժամանակ ակտիվ ռազմական գործողություններ են տեղի ունեցել։ Եվրոպայի տարածքում նման հին չպայթած զինամթերքի եւ արկերի՝ անտառային հրդեհների հետեւանքով առաջացրած պայթյունների մասին արդեն հաղորդումներ կան Նիդերլանդներում, Գերմանիայում, Ֆրանսիայում, Բելգիայում։ 70 եւ ավելի տարիներ քնած այդ արկերը, փաստորեն, արթնացել են:

Ընդ որում, բարձր ջերմաստիճանի ազդեցությունն ինքնին բերում է անկառավարելի դետոնացիայի, ինչն էլ իր հերթին է պատճառ դառնում անտառային հրդեհների։ Կլիմայական փոփոխությունը նաեւ այսկերպ է ազդում։ Գերմանիայի արեւելքում հրշեջները նույնիսկ որոշ դեպքերում ստիպված են եղել դադարեցնել անտառային հրդեհների շիջման աշխատանքները, քանի որ դրանցում մեծ քանակությամբ չպայթած արկեր են հայտնաբերվել։ Նման իրավիճակ արձանագրվել էր Մյուրիցի ազգային պարկում՝ Մեկլենբուրգ-Վերին Պոմերանիայի երկրամաս։ Այստեղ անտառային հրդեհի մակերեսը գերազանցել է 380 հեկտարը։ Հրդեհաշիջման աշխատանքներն իրականացվել են դաշնային կառավարության անմիջական հսկողությամբ։ Տարհանվել են մոտակա բնակավայրերի բնակիչները։ Տարածքը 1945-93 թթ․ խորհրդային բանակի կողմից օգտագործվել է որպես զորակայան, որտեղ պահպանվել է այն ժամանակների մեծ քանակությամբ զինամթերք։ Ավելի բարդ է իրավիճակը Բրանդենբուրգի երկրամասի պարագայում։ Այստեղ խորհրդային զորքերի եւ ֆաշիստական ուժերի միջեւ դաժան մարտեր են եղել։ Անտառային հրդեհների ժամանակ այնտեղ գրեթե միշտ պայթում են Երկրորդ աշխարհամարտից մնացած չպայթած արկեր։

© 2026 Secure News Portal

Source: Hraparak

Hraparak.am

Recent Posts

Ինչպես է փոքրիկ հայ համայնքը նպաստել երկրի զարգացմանը

Ինչպես է փոքրիկ հայ համայնքը նպաստել երկրի զարգացմանը Sat, 21 Nov 2026 21:00:19 +0400 Եթովպիայում…

20 րոպե ago

54 մլն արժողությամբ բնակարան է գնել, 8 մլն դրամի էլ վերանորոգում արել․ Ի՞նչ ունեցվածք ունի նորանշանակ դեսպանը

54 մլն արժողությամբ բնակարան է գնել, 8 մլն դրամի էլ վերանորոգում արել․ Ի՞նչ ունեցվածք ունի…

34 րոպե ago

Արեւուտում թեժ ընտրապայքար է սպասվում․ Ովքե՞ր են համայնքապետի 3 թեկնածուները

Արեւուտում թեժ ընտրապայքար է սպասվում․ Ովքե՞ր են համայնքապետի 3 թեկնածուները Sat, 21 Nov 2026 20:15:58…

1 ժամ ago

Թրամփը Սթիվեն Միլլերին առաջարկել է առաջադրվել ԱՄՆ նախագահի պաշտոնին

Թրամփը Սթիվեն Միլլերին առաջարկել է առաջադրվել ԱՄՆ նախագահի պաշտոնին Sat, 21 Nov 2026 20:00:14 +0400…

1 ժամ ago

Ժողովրդավարության ՔՊ-ական պատկերացումը

Ժողովրդավարության ՔՊ-ական պատկերացումը Sat, 21 Nov 2026 19:45:02 +0400 Իրական ժողովրդավարություն հաստատելու խոստումներով իշխանության եկածը…

2 ժամ ago

Ցանկանում է Ուկրաինական ճգնաժամը կարգավորել մինչեւ «կաղ բադիկ» դառնալը

Ցանկանում է Ուկրաինական ճգնաժամը կարգավորել մինչեւ «կաղ բադիկ» դառնալը Sat, 21 Nov 2026 19:30:52 +0400…

2 ժամ ago