Ուրախ եմ, որ Սերժ Սարգսյանը կալանքի մեջ չէ
Wed, 26 Aug 2026 22:13:36 +0400
ԱԺ պատգամավոր Լևոն Քոչարյանը Հակակոռուպցիոն դատարանի դիմաց լրագրողների հետ զրույցում անդրադարձել է Ռոբերտ Քոչարյանի հնարավոր կալանավորման գործընթացին և դրա շուրջ շրջանառվող տարբեր մեկնաբանություններին։
Նրա խոսքով՝ ինքը երբեք չի կարող դրական վերաբերմունք ունենալ մարդկանց կալանավորման նկատմամբ։ Միաժամանակ Քոչարյանը ընդգծել է, որ ուրախ է այն հանգամանքով, որ Հայաստանի երրորդ նախագահ Սերժ Սարգսյանի նկատմամբ նման գործընթաց ներկայում չի իրականացվում, և նա կալանքի տակ չէ։
Պատգամավորը նաև անդրադարձել է այն դիտարկումներին, թե Սերժ Սարգսյանի քաղաքական թիմի ներկայացուցիչները կարող են դրական վերաբերվել Ռոբերտ Քոչարյանի կալանավորմանը։ Լևոն Քոչարյանը նշել է, որ նման ենթադրությունների հիմք չի տեսնում:
«Շատ ուրախ եմ, որ Սերժ Սարգսյանը կալանքի մեջ չէ,»- ասել է նա։