Volkswagen ընկերության ղեկավար Օլիվեր Բլյումեն հայտարարել է, որ ընկերությունը շարունակելու է որդեգրած տնտեսման քաղաքականությունը։ Այդ համատեքստում, ըստ նրա, նախատեսվում են պարզեցնել գործընթացները, օպտիմալացվնել կառուցվածքները, կրճատել ծախսերը։ Համաձայն հաղորդման, ներկայումս ավտոարդյունաբերությունը լուրջ ճնշման ներքո է՝ կապված մաքսատուրքերի, շուկայում հայտնված նոր մրցակիցների եւ գեոպոլիտիկ ռիսկերի հետ։ Ու թեեւ ընկերության մասնաբաժինը շուկայում ավելացել է, սակայն դա դեռ բավարար չէ։ Ընկերության Արտադրական խորհրդի ղեկավար Դանիել Քավալոն էլ հայտարարել է, որ Բլյումեի որդեգրած գիծը սխալ է։

Նա քննադատել է Բրլումեին՝ նշելով, որ նրա հանդեպ այլեւս խաթարված է վստահությունը։ Առաջիկայում նախատեսվում է իրականացնել ընկերության ութ գործարաններում աշխատակիցների ժողովներ։ Հնարավոր կրճատումները կարող են վերաբերել չորս խոշոր գործարաններին՝ առնչվելով տասնյակ հազարավոր աշխատակիցների։ Նշենք, որ ըստ նախնական պլանի, մինչեւ 2030 թվականը Volkswagen-ը մտադիր է Գերմանիայում իրականացնել 50 հազար աշխատակցի կրճատում։ 37 հազարն արդեն համապատասխան համաձայնագիր կնքել են ընկերության հետ։