Պուտինը կարծում է, որ ԱՄՆ-ն թուլացել է․․․
Fri, 28 Aug 2026 15:00:19 +0400
ԱՄՆ հետախուզության տվյալներով՝ Կրեմլը կարծում է, որ Իրանի հետ երկարատև պատերազմը թուլացրել է ԱՄՆ ռազմական կարողությունները և հնարավորություն է ստեղծել Ռուսաստանի համար մեծացնել ճնշումը ամերիկյան շահերի և դաշնակիցների վրա Եվրոպայում։
Ըստ The Washington Post-ի՝ այս հետախուզական տեղեկատվությունը նախորդել է ԿՀՎ տնօրեն Ջոն Ռատկլիֆի Մոսկվա կատարած գաղտնի այցին։
Բանակցությունների ընթացքում նա զգուշացրել է ռուսական կողմին, որ Ուկրաինայի դեմ պատերազմի լուրջ սրացումը կարող է հակառակ ազդեցություն ունենալ Մոսկվայի վրա։
Հրապարակման աղբյուրներից մեկը պնդում է, որ Ռուսաստանը գործում է այն ենթադրությամբ, որ ԱՄՆ-ն «սպառել է իր ռեսուրսները և ի վիճակի չէ միջամտել»։ Այս գնահատականները հայտնվել են ԱՄՆ ուժերի պատրաստվածության նվազման և Իրանի դեմ արշավի ընթացքում զինամթերքի սպառման մասին հաղորդագրությունների ֆոնին։
Ըստ The Washington Post-ի՝ Ռատկլիֆը նաև ակնարկել է Մոսկվային, որ Պուտինի կողմից իրավիճակի զգալի սրացումը կարող է Դոնալդ Թրամփին դրդել ավելի ակտիվորեն աջակցել Վլադիմիր Զելենսկուն։