Դատարանը վտարեց կարգալույծ Տեր Թադեին և կնոջը՝ եկեղեցուն պատկանող տնից
Fri, 28 Aug 2026 19:13:54 +0400
Արագածոտնի մարզի առաջին ատյանի ընդհանուր իրավասության դատարանը 2026 թ. օգոստոսի 26-ին բավարարել է Հայաստանյայց Առաքելական Սուրբ Եկեղեցու հայցը և որոշել է Արամայիս Դավթի Թախմազյանին ու Հռիփսիմե Գագիկի Խաչատրյանին վտարել Թալին քաղաքի Մյասնիկյան փողոցի 3-րդ շենքի թիվ 5 բնակարանից։
Ըստ փաստաբան Արա Զոհրաբյանի հրապարակած պարզաբանման՝ բնակարանը 2012 թվականից սեփականության իրավունքով պատկանում է Հայ Առաքելական Սուրբ Եկեղեցուն, և դատարանը հենց սեփականատիրոջ հայցն է բավարարել։
Իսկ նախնական տեղեկությունը՝ որ Եկեղեցին դատարան էր դիմել Թադե քահանային և նրա կնոջը բնակարանից վտարելու պահանջով, հրապարակվել էր դեռ փետրվարին։