Թրամփ-Պուտին-Զելենսկի եռակողմ գագաթաժողո՞վ․ նոր մանրամասներ
Sun, 30 Aug 2026 14:00:42 +0400
Մոսկվա կատարած այցի ժամանակ ԿՀՎ տնօրեն Ջոն Ռատկլիֆը ռուսական կողմին առաջարկել է կազմակերպել ԱՄՆ նախագահ Դոնալդ Թրամփի, Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու միջև եռակողմ հանդիպում, հաղորդում է Axios-ը՝ հղում անելով երկու աղբյուրների։
Ըստ պորտալի՝ երեքշաբթի օրը Ռատկլիֆը բանակցություններ է վարել ԱՀԾ տնօրեն Սերգեյ Նարիշկինի և ԱԴԾ տնօրեն Ալեքսանդր Բորտնիկովի հետ։ Քննարկման թեմաների թվում է եղել է Մոսկվայի և Կիևի միջև բանակցային գործընթացը վերսկսելու հնարավորությունը։
Ուրբաթ օրը ամերիկյան կողմը Զելենսկուն տեղեկացրել է այցի արդյունքների և գագաթնաժողովի նախաձեռնության մասին։ Հրատարակության տվյալներով՝ Ուկրաինայի նախագահը նախկինում աջակցել էր նման հանդիպման գաղափարին, մինչդեռ Պուտինը դեմ էր դրան։
Ռատկլիֆը նաև քննարկել է խաղաղության երկխոսության վերսկսման հնարավորությունը։
Այնուամենայնիվ, Կիևը չի բացառում սրման նոր փուլը։ Ուկրաինայի նախագահի գրասենյակի ղեկավարի տեղակալ Պավել Պալիսան հայտարարել է, որ ուկրաինական հետախուզությունը տեղեկություններ է ստացել երկրի հյուսիսում հարձակողական սցենարներ պատրաստող ռուսական ռազմական ուժերի մասին։
Ըստ Axios-ի, ԿՀՎ տնօրենը նաև զգուշացրել է Ռուսաստանին ՆԱՏՕ-ի երկրների, այդ թվում՝ Լիտվայի, Լատվիայի և Էստոնիայի վրա հարձակվելու անթույլատրելիության մասին։
ԱՄՆ-ի միջնորդությամբ Մոսկվայի և Կիևի միջև բանակցությունները դադարեցվել են փետրվարին։ Ուկրաինայի նախագահի գրասենյակի ղեկավար Կիրիլ Բուդանովը ենթադրել է, որ դրանք կարող են վերսկսվել արդեն սեպտեմբերին։