Մենք չենք կարող ավելի հայ լինել, քան իրենք՝ հայերը․Պեսկով
Sun, 30 Aug 2026 22:15:24 +0400
ՌԴ նախագահ Վլադիմիր Պուտինը Բիշքեկում Հայաստանի վարչապետ Նիկոլ Փաշինյանի հետ հանդիպման ընթացքում կօգտվի հնարավորությունից՝ քննարկելու Երևանի՝ Եվրամիությանն անդամակցելու ձգտումը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։ «Բարձր մակարդակով յուրաքանչյուր շփում կարևոր է։ Նախագահը, իհարկե, կօգտվի այս հանդիպումից՝ ևս մեկ անգամ ներկայացնելու մեր փաստարկները», – լրագրողների հարցին ի պատասխան ասել է Պեսկովը՝ անդրադառնալով հարցին, թե արդյոք Պուտինի և Փաշինյանի առաջիկա հանդիպումը կօգնի կանգնեցնել Հայաստանի հեռացումը Ռուսաստանից։ «Մենք չենք կարող ավելի հայ լինել, քան իրենք՝ հայերը։ Եվ, իհարկե, իրենց ճակատագրի վերաբերյալ որոշումը հայերն իրենք են կայացնելու։ Մենք հենց առաջարկում ենք նրանց դա անել՝ հանրաքվե անցկացնել։ Նման առաջարկ են արել նաև ԵԱՏՄ անդամ պետությունների ղեկավարները, որոնք համապատասխան հայտարարություն են ընդունել Աստանայում կայացած վերջին գագաթնաժողովում։ Հենց այս ամենի մասին էլ կխոսվի», – նշել է նա։ Հիշեցնենք՝ ավելի վաղ հայտնի էր դարձել, որ Ռուսաստանի նախագահ Վլադիմիր Պուտինն ու Հայաստանի վարչապետ Նիկոլ Փաշինյանը սեպտեմբերի 1-ին կհանդիպեն Բիշքեկում՝ Շանհայի համագործակցության կազմակերպության (ՇՀԿ) գագաթնաժողովի շրջանակում։