Ախտանշան, որ նախազգուշացնում է ինֆարկտի ռիսկի մասին
Tue, 01 Sep 2026 20:00:28 +0400
Ռուս սրտաբան Անաստասիա Սլիզովան ասում է, որ ինֆարկտը հազվադեպ է բացարձակ աննկատ տեղի ունենում։ Ըստ նրա, նախազգուշացնող նշաններից է այն, որ մարդը դժվարությամբ է սկսում հաղթահարել իր համար մինչ այդ սովորական հանդիսացող ծանրությունները։ Նա ընդգծել է, որ եթե մարդը նախկինում հանգիստ կարողացել է քայլել մի քանի կիլոմետր, ու հանկարծ այժմ շնչարգելություն է ունենում նույն ճանապարհն անցնելիս, կամ թուլություն եւ դիսկոմֆորտ կրծքավանդակի շրջանում՝ նույնիսկ փոքր զբոսանքի ժամանակ, ապա արդեն դա պատճառ է, որպեսզի նա անցնի համապատասխան բուժզննում։
«Հաճախ է պատահում, որ ինֆարկտ ստանալուց մի քանի օր առաջ մարդու մոտ անբացատրելի հոգնածություն, կոտրվածության զգացողություն, աշխատունակության կտրուկ անկում է լինում։ Դա հատկապես կարող է պատահել կանանց կամ տարեց մարդկանց մոտ»,- նշել է մասնագետը։ Նախազգուշացնող ախտանշան է համարվում նաեւ առանց լուրջ պատճառի շնչարգելությունը, հաճախակիացող սրտի բաբախյունը, սառը քրտինքի առաջանալը, գլխապտույտը կամ անակնկալ թուլությունը։