Կստանա չեմպիոնական գոտու հնարավորություն, թե ոչ
Sun, 06 Sep 2026 20:00:17 +0400
UFC-ի ղեկավար Դանա Ուայթը դեռևս չի ցանկանում հստակեցնել, թե Արման Ծառուկյանի և Մաուրիսիո Ռուֆիի դիմակայության հաղթողը կստանա արդյոք թեթև քաշային կարգի չեմպիոնական գոտու համար պայքարելու հնարավորություն։
Ծառուկյանը բազմիցս նշել է, որ Ռուֆիի նկատմամբ հաղթանակը պետք է իրեն անմիջապես տանի տիտղոսային մենամարտի։ Հայ մարզիկի խոսքով՝ հենց այդ պայմանավորվածությունն է եղել մրցավեճին համաձայնելու հիմնական պատճառներից մեկը։
Սակայն UFC-ի նախագահը նախընտրում է վերջնական գնահատականներ չտալ մինչև մենամարտի ավարտը։ Ուայթի դիրքորոշմամբ՝ հնարավոր չէ նախապես որոշել, թե ինչպիսի հետևանքներ կունենա հանդիպումը, քանի որ ամեն ինչ կարող է կախված լինել հենց մենամարտի ընթացքից և արդյունքից։
Ծառուկյանն ավելի վաղ հայտարարել էր, որ կազմակերպության ղեկավարության հետ խոսակցությունների ընթացքում իրեն վստահեցրել են՝ Ռուֆիին հաղթելու դեպքում հաջորդ մրցակիցը լինելու է չեմպիոնական գոտու համար։ Այդպիսով, հայ մարտիկը այս հանդիպումը դիտարկում է ոչ միայն որպես հերթական մրցելույթ, այլև որպես իր կարիերայի հաջորդ կարևոր քայլը դեպի տիտղոս։