Ես ու դուք ու թող փորձեն
Mon, 07 Sep 2026 11:45:40 +0400
Սիրուշոյի համերգից հետո սոցիալական ցանցերում շարունակվում է ակտիվ քննարկումն ու երեկոյի տպավորությունների տարածումը։ Համերգի դրվագները, երգչուհու կատարումները, երկրպագուների հետ լուսանկարներն ու տեսանյութերը լայնորեն տարածվում են համացանցում՝ պահպանելով միջոցառման էմոցիաները նաև համերգից հետո։
Երգչուհին իր սոցիալական էջերում ևս անդրադարձել է երեկոյին՝ խոստովանելով, որ բեմից զգացել է հանդիսատեսի հսկայական էներգիան ու կապը։
Սիրուշոն նշել է, որ այնպիսի զգացողություն է ունեցել, կարծես կարողացել է լսել ու զգալ շուրջ 30 հազար մարդու սրտի զարկերը։ Երգչուհին իր խոսքում ներառել է նաև նրանց, ովքեր համերգին ներկա չեն եղել, սակայն հետևել են հեռարձակմանը և սպասել այդ երեկոյին։
Նա շնորհակալություն է հայտնել հանդիսատեսին՝ ընդգծելով նրանց ժպիտներն ու դրական էներգիան, ապա գրառումը եզրափակել է խորհրդանշական խոսքերով՝ «Ես ու դուք ու թող փորձեն»։
Համերգից հետո տարածվող բազմաթիվ հրապարակումները վկայում են, որ երեկոյի գլխավոր պահերը դեռ երկար շարունակելու են մնալ երկրպագուների ուշադրության կենտրոնում։