Սովետական եւ ռուսական կինոյի հայտնի դերասանուհի Մարգարիտա Տերեխովայի դուստրը հայտնել է, թե ինչպիսին է ներկայումս դերասանուհի առողջական վիճակը, ով տառապում է Ալցհեյմերի հիվանդությամբ։ Հիշեցնենք, որ օգոստոսի 25-ին Տերեխովան դարձավ 84 տարեկան։ Համաձայն РИА Новости-ի հաղորդման, Տերեխովան իրեն լավ է զգում։ «Մայրս իրեն լիովին լավ է զգում, որքանով դա հնարավոր է նրա վիճակում։ Ձեր սերն ու բարի խոսքերը, երկրպագուների բարեմաղթանքները նրան ուժ են տալիս»,- ասել է Տերեխովայի դուստր Աննան։

Հիշեցնենք, որ Մարգարիտա Տերեխովան ծնվել է 1942 թվականին։ Նկարահանվել է ավելի քան 60 կինոնկարում, այդ թվում նաեւ՝ «Դ՛Արտանյանն ու երեք հրացանակիրները»՝ 1978 թ, «Հայելի»՝ 1974 թվական, «Միայն խենթերի համար»՝ 1991 թվական։2018 թվականից դերասանուհու մոտ հայտնաբերվել է Ալցհեյմերի հիվանդություն։ Ներկայումս գտնվում է անկողնային վիճակում։ Երկար ժամանակ ընտանիքը թաքցրել է, որ դերասանուհու մոտ նման հիվանդություն կա։ Աննա Տերեխովան խոստովանել է, որ մոր վիճակը բավականին ծանր է՝ լիովին համապատասխան հիվանդության ընթացքին, սակայն ինքն ու հիվանդապահները անում են ամեն հնարավորը՝ վիճակը թեթեւացնելու համար։