Տիգրան Ավինյանը բյուջեից խոշոր գումար է հատկացրել Հ1-ին

Տիգրան Ավինյանը բյուջեից խոշոր գումար է հատկացրել Հ1-ին

Sat, 12 Sep 2026 17:15:42 +0400


Երևանի քաղաքապետ Տիգրան Ավինյանը շարունակում է քաղաքային բյուջեի միջոցները «աջ ու ձախ» բաշխելու պրակտիկան։ Այս անգամ էլ քաղաքապետարանի ֆինանսական աջակցությունը հասել է մի կառույցի, որը Երևանի քաղաքապետարանի ենթակայության տակ չէ։

Ավինյանի որոշմամբ՝ Հայաստանի Հանրային հեռուստաընկերությանը՝ Հ1-ին, հատկացվել է 11 միլիոն դրամ։ Գումարը նախատեսված է կինոռեժիսոր Արտավազդ Փելեշյանի հեղինակած ֆիլմերի թվայնացման աշխատանքների իրականացման համար։

Թե որքանով է Երևանի բյուջեի հաշվին Հանրային հեռուստաընկերության նման ծրագրերի ֆինանսավորումը տեղավորվում քաղաքապետարանի առաջնահերթությունների և լիազորությունների շրջանակում, հարց է։

Երևանի բազմաթիվ խնդիրներ՝ սկսած փողոցների, բակերի ու հանրային տարածքների բարեկարգումից մինչև տրանսպորտային և կոմունալ հարցեր, շարունակում են լուծումներ պահանջել։ Մինչդեռ քաղաքապետարանը 11 միլիոն դրամ է հատկացնում Հ1-ին՝ կինոֆիլմերի թվայնացման համար։

Իհարկե, Արտավազդ Փելեշյանի ֆիլմերի պահպանումն ու թվայնացումը կարևոր մշակութային նշանակություն կարող են ունենալ։ Սակայն հարցն այլ է՝ արդյո՞ք այդ ծախսը պետք է կատարվի Երևանի հարկատուների հաշվին և հենց քաղաքային բյուջեից։

Քաղաքապետարանը, թերևս, պետք է ավելի հստակ ներկայացնի՝ ինչ հիմնավորմամբ է այս ծախսը համարվել Երևանի համար առաջնահերթ և ինչ հանրային շահ է այն սպասարկում։

© 2026 Secure News Portal

Source: Hraparak

Hraparak.am

Recent Posts

Դժգոհել է ինտերնետի արագությունից

Դժգոհել է ինտերնետի արագությունից Sun, 15 Nov 2026 23:45:23 +0400 Ուկրաինայի նախագահ Վլադիմիր Զելենսկին հայտարարել…

9 ժամ ago

Ասել է, թե ինչու է վերադարձել մեծ ֆուտբոլ

Ասել է, թե ինչու է վերադարձել մեծ ֆուտբոլ Sun, 15 Nov 2026 23:30:29 +0400 Բրազիլիայի…

9 ժամ ago

Քո հիշատակին հավատարիմ՝ շարունակելու ենք մեր սկսած ճանապարհը, մե՛ր լավ ընկեր

Քո հիշատակին հավատարիմ՝ շարունակելու ենք մեր սկսած ճանապարհը, մե՛ր լավ ընկեր Sun, 15 Nov 2026…

9 ժամ ago

Հետո չասեք՝ չի ասել․․․ Տաթևիկ Հայրապետյան

Հետո չասեք՝ չի ասել․․․ Տաթևիկ Հայրապետյան Sun, 15 Nov 2026 23:13:10 +0400 Ադրբեջանագետ Տաթևիկ Հայրապետյանի…

9 ժամ ago

Մելիքյանը՝ Լատվիայի հետ խաղի մասին

Մելիքյանը՝ Լատվիայի հետ խաղի մասին Sun, 15 Nov 2026 23:10:12 +0400 ՈւԵՖԱ-ի Ազգերի լիգայի խաղարկության…

9 ժամ ago

Ավելի քան 1500 տարվա պալատական համալիր են հայտնաբերել

Ավելի քան 1500 տարվա պալատական համալիր են հայտնաբերել Sun, 15 Nov 2026 23:04:40 +0400 Վրաստանում…

10 ժամ ago