Լեդի Գագան մայր է դարձել
Sun, 13 Sep 2026 09:30:29 +0400
Ամերիկացի աշխարհահռչակ երգչուհի Լեդի Գագան ու նրա փեսացու գործարար Մայքլ Պոլանսկին ունեցել են իրենց առաջնեկին։ Այս մասին հայտնում է PEOPLE-ը։ Զույգը սակայն պաշտոնապես չի հայտարարել ծնող դառնալու մասին։ Սակայն նախօրեին զույգը երեւացել է հասարակության մեջ՝ նորածին երեխայի հետ միասին։ Page Six-ը հրապարակել է լուսանկարներ, որտեղ պատկերված են երգչուհին եւ երեխան։ Երեխայի անունը, սեռը եւ ծննդյան կոնկրետ ամսաթիվը դեռ հայտնի չէ։ Նշենք, որ նախկինում Լեդի Գագան բազմաթիվ անգամներ հայտարարել էր, որ կուզենար մայր դառնալ։ Մայքլ Պոլանսկու հետ երգչուհին հանդիպում է 2019 թվականից, իսկ 24 թվականին նրանք հայտարարել են նշանադրության մասին։