Նոր թեժ կետ՝ քարտեզի վրա․ հութիները էլի հարվածել են Սաուդյան Արաբիային
Tue, 15 Sep 2026 12:00:07 +0400
Սաուդյան Արաբիայի Աբհա քաղաքի նավթավերամշակման գործարանում խոշոր հրդեհ է բռնկվել Եմենի հարվածների հետևանքով։ Այս մասին հաղորդում է իրանական IRIB հեռուստաընկերությունը:
Ինչպես հաղորդում են մերձավորարևելյան թեմատիկայով մասնագիտացված տելեգրամյան ալիքները, Եմենի հյուսիսում իշխող շիա «Անսար Ալլահ» շարժումն էլ զանգվածային հարված է հասցրել Սաուդյան Արաբիային: Թիրախավորվել են երկրի 6 տարածաշրջաններ։ Զանգվածային հարձակման ընթացքում հութիները կիրառել են բալիստիկ հրթիռներ և հարվածային անօդաչու թռչող սարքեր: Ամբողջ Սաուդյան Արաբիայում հնչում է օդային տագնապ, լսելի են հզոր պայթյուններ։
Բացի այդ, ըստ «Reuters» գործակալության, սեպտեմբերի 14–ին Սաուդյան Համիս Մուշեյթ, Աբհա և Թաիֆ քաղաքների վրա հութիների հարվածների հետևանքով վիրավորվել է առնվազն 13 մարդ: