ԱՄՆ-ում Թրամփին պաշտոնանկ անելու բանաձև է ներկայացվել
Wed, 16 Sep 2026 11:00:30 +0400
ԱՄՆ Ներկայացուցիչների պալատը չի աջակցել նախագահ Դոնալդ Թրամփի դեմ իմպիչմենտի գործընթաց սկսելու կոչ անող բանաձևը։
Թրամփի կուսակից հանրապետականների կողմից վերահսկվող Ներկայացուցիչների պալատի 232 անդամ քվեարկել է փաստաթղթի քննարկումը դադարեցնելու օգտին։ Կոնգրեսի ստորին պալատի 147 անդամ դեմ է քվեարկել։ Հետևաբար, բանաձևը մերժվել է։
Թրամփի իմպիչմենտի կոչ անող բանաձևը Կոնգրեսում ներկայացվել է օգոստոսի 24-ին ԱՄՆ ներկայացուցիչ Ալ Գրինի (դեմոկրատ, Տեխաս) կողմից։ Նա մեղադրում է նախագահին իշխանության չարաշահման մեջ՝ կապված ներգաղթի և մաքսային ծառայության (ICE) գործողությունների հետ։
2025 թվականի հունվարին ԱՄՆ 47-րդ նախագահի պաշտոնը ստանձնելուց ի վեր Թրամփը բազմիցս հայտարարել է, որ մինչև իր պաշտոնը ստանձնելը մոտ 25 միլիոն մարդ անօրինական կերպով մուտք է գործել երկիր։ Ամերիկայի նախագահը բազմիցս պաշտպանել է ավելի խիստ ներգաղթային քաղաքականությունը։