Չինաստանը նախազգուշացրել է ԱՄՆ-ին
Wed, 16 Sep 2026 19:30:14 +0400
Միացյալ Նահանգները պետք է դադարեցնի տիեզերքում սպառազինությունների կուտակումն ու տիեզերական տարածության մեջ ռազմական գործողությունների նախապատրաստույունը։ Այս մասին հայտարարել է Չինաստանի ԱԳՆ խոսնակ Գո Ծյանկունը։ Վերջինս անդրադարձել է ԱՄՆ Ռազմաօդային ուժերի նախարար Թրոյ Մեյնքի հայտարարությանը, թե Վաշինգտոնը ունի այնպիսի սպառազինություն, որով կարող է վերահսկել տիեզերական տարածությունը։
«Կոչ ենք անում ամերիկյան կողմին դադարեցնել տիեզերքում ռազմական գործողությունների նախապատրաստվելուց եւ այնտեղ սպառազինությունների կուտակումից։ Դրա փոխարեն առաջարկում ենք կոնկրետ քայլերով աջակցել գլոբալ ռազմավարական կայունությանը»,- ասել է չինացի դիվանագետը։ Գո Ծյակունը նշել է, որ Պեկինն իր հերթին հանդես է գալիս տիեզերքի՝ բացառապես խաղաղ նպատակներով օգտագործման օգտին եւ դեմ է տիեզերքի ռազմականացմանը եւ մարտադաշտի, սպառազինությունների մրցավազքի թատերաբեմի վերածմանը։