Ինչ է կատարվում ԱԺ-ի մոտ
Thu, 17 Sep 2026 13:37:28 +0400
Այսօր Ազգային ժողովի շենքի մոտ հավաքվել են արցախցիներ՝ բարձրաձայնելու իրենց կարգավիճակին և սոցիալական խնդիրներին վերաբերող հարցերը։
Ակցիայի մասնակիցները պահանջում են, որպեսզի իրենց խնդիրները քննարկվեն նաև խորհրդարանական մակարդակով և ներկայացվեն դրանց լուծման հստակ մեխանիզմներ։
Ավելի վաղ «Վերածնվող Արցախ» շարժման ղեկավար Անաստաս Իսրայելյանը հայտնել էր, որ նախաձեռնության հիմնական նպատակներից մեկը ԱԺ-ում ներկայացված խմբակցությունների հետ հանդիպումն է։
Նրա խոսքով՝ իրենք ցանկանում են խորհրդարանում կազմակերպել լսումներ, որոնց ընթացքում պետք է քննարկվի արցախցիներին առնչվող խնդիրների լուծման ճանապարհային քարտեզի մշակման և ներկայացման հարցը։
Արցախցիները նաև ակնկալում են, որ խորհրդարանական քննարկումների արդյունքում իրենց բարձրացրած խնդիրների վերաբերյալ կլինեն կոնկրետ առաջարկներ և լուծումներ։