Տեսնենք՝ ինչ հրաման է ստացել մեր գլխավոր հրամանատարը
Thu, 17 Sep 2026 16:16:12 +0400
«Ուժեղ Հայաստան» կուսակցության առաջնորդ Սամվել Կարապետյանի որդին՝ Սարգիս Կարապետյանը, դատարանում հոր հերթական դատական նիստից առաջ պատասխանել է լրագրողների հարցերին։
Նա անդրադարձել է դատարանի հնարավոր որոշմանը և այն հարցին, թե արդյոք ակնկալում է, որ Սամվել Կարապետյանի նկատմամբ կիրառված խափանման միջոցը կարող է փոխվել։
Սարգիս Կարապետյանը նշել է, որ, իր խոսքով, դեռ պետք է տեսնել՝ ինչ որոշում կկայացվի, սակայն համոզմունք է հայտնել, որ վերջնական արդյունքը դրական է լինելու։
Անդրադառնալով հնարավոր արտաքին ազդեցությանը՝ նա հայտարարել է, որ կասկածներ չունի այն մասին, որ Սամվել Կարապետյանի կալանքի շարունակման հարցում կարող են լինել նաև արտաքին պահանջներ։
«Կասկածներ չունեմ, վստահություն ունեմ»,- ասել է նա՝ միաժամանակ ընդգծելով, որ դատարանից առանձնապես ակնկալիքներ չունի։
«Տեսնենք՝ ինչ հրաման է ստացել մեր գլխավոր հրամանատարը հարևան երկրից, բայց դա ոչ մի բան չի փոխելու, վերջը կլինի շատ լավ ու դրական»,- ասել է նա: