Մսամթերքի որակական ստանդարտները փոխում են
Thu, 17 Sep 2026 22:00:18 +0400
Թուրքիայում ուժի մեջ են մտել մսամթերքի հետ կապված որակական նոր ստանդարտները, որոնք նախորդի համեմատ՝ զգալիորեն խստացվել են։ Համաձայն այդ երկրի Գյուղատնտեսության նախարարության հրապարակած փաստաթղթի, արգելվել է հավելումների խառնումը այնպիսի մսային արտադրանքներում, ինչպիսիք են՝ աղացած մսի ֆարշը, կոտլետները, բուրգերները, սուջուխը, դոները, բաստուրման եւ ղաուրման։ Սահմանվել են մսային արտադրանքներում մաքուր աղացած մսի հստակ պարունակության համամասնությունները, սահմանափակվել աղի, ճարպերի եւ որոշակի այլ նյութերի պարունակության քանակությունները։
Մսամթերքներում արգելվել է հավելումների շարքում պրոտեինների, օսլայի, սոյա պարունակող պրոդուկտների օգտագործումը, որոշ դեպքերում սահմանափակվել համեմունքների պարունակությունը։ Նաեւ սահմանվել է, որ ապրանքի մասին տեղեկությունները պետք է լինեն փաթեթավորման վրա ավելի ամբողջական ու հասանելի արտացոլված։