Հարկադիր կատարումն ապահովող ծառայությունն իր էջում տեսահոլովակ է հրապարակել: Սրանք բողոքում են, որ օրական 700 զանգ են ստանում և բոլոր զանգերին հնարավոր չէ պատասխանել: Ասում են. տեսեք, թե ինչ դժվարությամբ ենք աշխատում: Այսքանն ասում են, սակայն «իրավիճակից» ելքի վերաբերյալ չեն խոսում:
Նախ` ինչու՞ են քաղաքացիները այդքան շատ զանգում Հարկադիր: Խնդիրը շատ պարզունակ է. եթե Հարկադիրում աշխատող պայմանական թորոսյանարմենները ՃԻՇՏ աշխատեն և ԳՐԱԳԵՏ լինեն, ապա զանգերն էապես կպակասեն:
Եվ հետո` Հարկադիրը հարուստ հիմնարկ է: Հարկադիրում աշխատող պայմանական թորոսյանարմենները շատ բարձր աշխատավարձ և պարգևավճարներ են ստանում: Ընդ որում, վերջիններիս զգալի մասի կրթական ցենզն այնքան էլ բարձր չէ: Բացի դրանից` Հարկադիրի պայմանական թորոսյանարմենների մի մասն իրենց կամ իրենց հետ փոխկապակցված բիզնեսն ունեն: Օրինակ` Հարկադիրի աշխատակիցներից մեկն աշխատանքային ժամերին ֆեյսբուքով անընդհատ առևտրային կազմակերպություններից մեկի գովազդով էր կիսվում, մյուսը` Աշտարակում գտնվող խանութ-կրպակի գովազդով, երրորդը` ճաշկերույթի ժամանակ ասում էր, որ «հարկադիրի համազգեստը» բոլոր ոլորտներում «հարցեր է լուծում»: Բա, եթե այդպես է, հեռախոսազանգերն ի՞նչ են, որ չեք կարողանում պատասխանել:
Մեկ հեռախոսը չի՞ բավարարում, երկուսը դրեք, երեքը, չորսը:
Մեկ հեռախոսավարուհին չի՞ բավարարում, մի քանիսին աշխատանքի ընդունեք:
Գումարը չի՞ բավարարում, պայմանական թորոսյանարմենների աշխատավարձը վերանայեք, քանզի վերջիններս աշխատանքի ժամերին բանուգործը թողած ֆեյսբուքով առևտրային ինչ-որ կազմակերպության կամ Աշտարակում գտնվող խանութ-կրպակի գովազդով են կիսվում: Ի վերջո, Հարկադիրի պայմանական թորոսյանարմենները համոզված են, որ «հարկադիրի համազգեստը» բոլոր ոլորտներում «հարցեր է լուծում»: Դե, ուրեմն, տվեք նրանց համազգեստ և «բաց թողեք»: Թող գնան և իրենց հարցերը տարբեր ոլորտներում լուծեն: Համազգեստով: Առանց աշխատավարձի: Իսկ աշխատավարձը տվեք քաղաքացիների հետ անմիջապես շփում ունեցող նորմալ անձանց: Եվ մի բողոքեք: Հարկադիրի խնդիրը ոչ թե հեռախոսավարուհիների և քաղաքացիների զանգերի, այլ պայմանական թորոսյանարմենների մեջ է:
Կարեն Հեքիմյան
Source: USAArmenia
Մեկ շաբաթից այս տեղանքում արդեն 50սմ ձյուն կլինի․ Սուրենյան Sun, 11 Oct 2026 23:45:56 +0400…
Ինչպես է ակտիվ աշխատանքից ժամանակավոր հրաժարվելը նպաստում մարդու հոգեկան վիճակի կայունությանը Sun, 11 Oct 2026…
Առկա խնդիրներին կտրվեն հստակ լուծումներ․ Արամ Վարդևանյանն ու թիմակիցները գյուղ Լեջանում են Sun, 11 Oct…
Սևան-Երևան ճանապարհին մեքենան գլորվել է հարակից ձորակը․ կան տուժածներ Sun, 11 Oct 2026 23:15:13 +0400…
Ամերիկացի դերասանուհուն մեղադրել են թանկարժեք հագուստներ գողանալու մեջ Sun, 11 Oct 2026 23:00:34 +0400 «Пусть…
Սարաջյանն արագ գոլի հեղինակ է դարձել Գրիզմանի փոխանցումից հետո Sun, 11 Oct 2026 22:45:11 +0400…