Քիմ Քարդաշյանին հոսպիտալացրել են նույն հիվանդության պատճառով, որը նրա հոր մահվան պատճառն էր
Sun, 20 Sep 2026 16:00:20 +0400
Քիմ Քարդաշյանը վերջերս հոսպիտալացվել է կերակրափողի հետ կապված խնդիրների պատճառով:
Այս մասին նա պատմել է ընտանեկան «Keeping Up with the Kardashians» ռեալիթի շոուի նոր եթերաշրջանի թրեյլերում։
45-ամյա Քարդաշյանին կերակրափողի բորբոքում են ախտորոշել: Չբուժելու դեպքում այն վերածվում է Բարետի համախտանիշի, որը կարող է հանգեցնել քաղցկեղի։
«Keeping Up with the Kardashians»-ի թրեյլերում Քիմը հիվանդանոցում հետազոտություններ է անցնում։
«Ես կերակրափողի բորբոքում ունեմ»,- ասում է Քարդաշյանը։
Շոուի պրոդյուսերը հարցնում է. «Հենց այդ հիվանդության պատճառով չէ՞ր հայրդ մահացել», իսկ Քարդաշյանը հաստատում է (Ռոբերտ Քարդաշյանը կերակրափողի քաղցկեղից մահացել է 2003 թվականին՝ 59 տարեկանում):
Մայրն էլ՝ Քրիս Ջենները, դստեր հոսպիտալացմանն արձագանքել Է. «Չեմ կարող, ուզում եմ լաց լինել»։
Նշենք, որ 2019 թվականին Քարդաշյան-Ջեններ ընտանիքը Կալիֆոռնիայի համալսարանին կից բացել է Ռոբերտ Քարդաշյանի անվան կերակրափողի առողջության կենտրոնը։