Հայաստանի հավաքականի խաղին՝ մինչև 16 հազար դրամ․ որքան պետք է վճարեն երկրպագուները
Mon, 21 Sep 2026 14:45:42 +0400
Հայաստանի ֆուտբոլի ազգային հավաքականին առաջիկայում երկու տնային հանդիպում է սպասվում։ Եղիշե Մելիքյանի գլխավորած թիմը սեպտեմբերի վերջին Վազգեն Սարգսյանի անվան «Հանրապետական» մարզադաշտում ուժերը կչափի Լատվիայի և Չեռնոգորիայի հավաքականների հետ։
Առաջին հանդիպումը կկայանա սեպտեմբերի 25-ին՝ ժամը 20։00-ին։ Հայաստանի մրցակիցը կլինի Լատվիայի հավաքականը։ Հանդիպումը նախատեսված է Ազգերի լիգայի 2026/27 մրցաշրջանի C2 խմբի շրջանակում։
Հայաստանի երկրորդ տնային խաղը նախատեսված է սեպտեմբերի 28-ին՝ ժամը 20։00-ին։ Այդ օրը մեր ընտրանին «Հանրապետական» մարզադաշտում կընդունի Չեռնոգորիայի հավաքականին։
Այսպիսով, ընդամենը երեք օրվա ընթացքում Երևանում տեղի կունենա Հայաստանի հավաքականի երկու պաշտոնական հանդիպում։
Որքա՞ն արժեն տոմսերը
Երկու խաղերի տոմսերը վաճառվում են առցանց՝ Հայաստանի ֆուտբոլի ֆեդերացիայի տոմսերի պաշտոնական հարթակում։ Ֆիզիկական վաճառք նախատեսված չէ։
Տոմսերի արժեքը կախված է ընտրված տրիբունայից։
Հարավային և հյուսիսային տրիբունաների տոմսերն արժեն 1000-5000 դրամ։
Արևելյան տրիբունայում տեղերի արժեքը 4000-8000 դրամ է։
Արևմտյան տրիբունայի տոմսերը 12 000-16 000 դրամ են։