Մոսկվայից կրկին մեղադրանքներ են հնչում Հայաստանի իշխանությունների հասցեին
Tue, 22 Sep 2026 09:03:37 +0400
Հայաստանի զարգացման հետագա վեկտորի վերաբերյալ որոշումը մնում է երկրի քաղաքացիներին։ Այս մասին հայտարարել է Ռուսաստանի ԱԳՆ Եվրոպական հիմնախնդիրների դեպարտամենտի տնօրեն Վլադիսլավ Մասլեննիկովը։
ՌԻԱ Նովոստիին տված հարցազրույցում նա հույս է հայտնել, որ հայ հասարակությունը կկարողանա օբյեկտիվորեն գնահատել Եվրամիության հետ մերձեցման հնարավոր ռիսկերը։
«Երկրի զարգացման վեկտորի վերջնական ընտրությունը ցանկացած դեպքում մնում է Հայաստանի քաղաքացիներին։ Այս առումով ցանկանում եմ հավատալ, որ նրանք կկարողանան օբյեկտիվորեն գնահատել այն «եվրաինտեգրացիոն» արկածախնդրության վտանգը, որի մեջ նրանց այժմ ներքաշում են», — ասել է Մասլեննիկովը։