Գնում ենք հաղթելու
Tue, 22 Sep 2026 12:12:02 +0400
Առաջիկա ՏԻՄ ընտրություններին «Ուժեղ Հայաստանը» պատրաստվում է մասնակցել սեփական թեկնածուով։ Կուսակցության ընտրական ծրագրերի մասին խոսելիս ԱԺ «Ուժեղ Հայաստան» խմբակցության պատգամավոր Մարիաննա Ղահրամանյանը նշել է, որ Ստեփանավանում կուսակցությունը թեկնածու է առաջադրել և պատրաստվում է պայքարել հաղթանակի համար։
Ղահրամանյանի խոսքով՝ Ստեփանավանում ընտրապայքարը թեժ է լինելու, իսկ կուսակցության դիրքորոշումը հստակ է։
«Մեր դիրքորոշումը շատ ակնհայտ է, մենք գնում ենք այնտեղ հաղթելու համար»,- հայտարարել է պատգամավորը։
Միաժամանակ Ղահրամանյանն անդրադարձել է ընտրական գործընթացների ընթացքում կիրառվող տարբեր մեթոդներին։ Նա հանրության ուշադրությունը հրավիրել է այն դեպքերի վրա, երբ, իր խոսքով, ՔՊ-ի ներկայացուցիչներն ու իշխանությանը մոտ կանգնած անձինք ընտրողների նկատմամբ տարբեր «խրախուսման» միջոցների են դիմել։