Աշակերտը դանակահարել է դասընկերուհուն եւ երկու ուսուցչուհիներին
Tue, 29 Sep 2026 17:30:33 +0400
Սլովակիայի գյուղերից մեկում դանակով զինված աշակերտը հարձակվել եւ դանակահարել է դասընկերուհուն, ինչպես նաեւ՝ երկու ուսուցչուհիների։ Այս մասին հայտնում են տեղի ԶԼՄ-ները։ Ուսուցչուհիներից մեկը ծայրահեղ ծանր վիճակում հոսպիտալացվել է սանավիացիայի միջոցով։ Այլ մանրամասներ առայժմ հայտնի չէ։ Կան նաեւ հաղորդումներ ուսուցչուհիներից մեկի մահվան մասին։ Դեպքի վայր են ժամանել իրավապահները։ Հայտնի է նաեւ, որ հարձակումն իրականացրած աշակերտը նույն դպրոցի ութերորդ դասարանում է սովորում, գտնվում է տատիկի խնամքի ներքո։Դեպքի վայրում են նաեւ Սլովակիայի ՆԳ նախարաևը, Կրթության նախարարը, Գլխավոր դատախազը։