Պետք է օրակարգ բերվի փոխանակման հստակ մեխանիզմ

Պետք է օրակարգ բերվի փոխանակման հստակ մեխանիզմ

Fri, 02 Oct 2026 12:14:39 +0400


Սյունիքի Շաքի բնակավայրում տեղի ունեցած միջադեպը կրկին ուշադրության կենտրոնում է պահում Հայաստանի սահմանների պաշտպանության և քաղաքացիների անվտանգության հարցերը։ Արցախի Հանրապետության ԱԺ պատգամավոր Մետաքսե Հակոբյանի գնահատմամբ՝ դեպքը ցույց է տալիս, որ Հայաստանի իշխանություններից հասարակության համար դեռևս անհրաժեշտ է ստանալ մի շարք կարևոր և ամբողջական պարզաբանումներ։

Ըստ նրա՝ ադրբեջանցի զինծառայողը հատել է Հայաստանի Հանրապետության սահմանը, հասել հայկական բնակավայր և զինված հարձակում իրականացրել ՀՀ քաղաքացու նկատմամբ։ Այս հանգամանքը, նրա դիտարկմամբ, լուրջ հարցեր է առաջացնում սահմանային վերահսկողության և բնակչության անվտանգության ապահովման վերաբերյալ։

«Օրվա իշխանությունները ասում էին և շարունակում են պնդել, թե Արցախը հանձնեցին՝ Հայաստանը «փրկելու», սահմանները խաղաղեցնելու և «խաղաղության դարաշրջան» բերելու համար։

Բայց որտե՞ղ է այդ խաղաղությունը։

Համենայն դեպս ես վստահ եմ, որ Արցախը հանձնած նիկոլները նույնիսկ ունակ չեն հասարակությանը տալ ամբողջական և հրապարակային պարզաբանում՝ ինչպես է ադրբեջանցի զինծառայողը հատել ՀՀ սահմանը, հասել բնակավայր և զինված հարձակում իրականացրել ՀՀ քաղաքացու նկատմամբ։

Ունակ չէ անհապաղ ուժեղացնել սահմանամերձ բնակավայրերի և քաղաքացիների անվտանգությունը, որպեսզի նման ներթափանցման և հարձակման կրկնության հնարավորություն չլինի։

Ունակ չէ ադրբեջանական կողմին ներկայացնելու հստակ պահանջ՝ ապահովել նման դեպքերի բացառումը։

Եվ կարևորը՝ Հայաստանի իշխանությունը պարտավոր է այս միջադեպը կապել Ադրբեջանում պահվող հայերի հարցի հետ և պահանջել մեր հայրենակիցների անհապաղ վերադարձը։ Պետք է օրակարգ բերի փոխանակման հստակ մեխանիզմը՝ «բոլորը բոլորի դիմաց» սկզբունքով։

Միանգամայն հստակ է, որ տեղի ունեցածը սահմանային միջադեպի հարց չէ։

Սա Հայաստանի Հանրապետության ինքնիշխան տարածքի, ՀՀ քաղաքացու անվտանգության և պետության՝ իր քաղաքացիներին պաշտպանելու կարողության հարց է։

Ոչ թե լռություն, ոչ թե հերթական հայտարարություն, այլ՝ անվտանգություն, պատասխանատվություն և մեր հայրենակիցների վերադարձի համար կոնկրետ գործողություններ»,- նշել է նա։

© 2026 Secure News Portal

Source: Hraparak

Hraparak.am

Recent Posts

Արգամ Աբրահամյանի գործով նորություն կա

Արգամ Աբրահամյանի գործով նորություն կա Mon, 16 Nov 2026 16:30:19 +0400 ՀՀ քննչական կոմիտեի Երևան…

6 րոպե ago

15 քաղաքացի ոտքի է հելել, նրանք պահանջներ ունեն

15 քաղաքացի ոտքի է հելել, նրանք պահանջներ ունեն Mon, 16 Nov 2026 16:15:24 +0400 Latest…

20 րոպե ago

Ինչ պատասխան են տվել «Նոյի» ազատված աշխատողներին

Ինչ պատասխան են տվել «Նոյի» ազատված աշխատողներին Mon, 16 Nov 2026 16:12:33 +0400 Latest news…

23 րոպե ago

Երբ Ծառուկյանն էր «Նոյի» սեփականատերը, այսպիսի խնդիրներ չկային. բողոքի ակցիա

Երբ Ծառուկյանն էր «Նոյի» սեփականատերը, այսպիսի խնդիրներ չկային. բողոքի ակցիա Mon, 16 Nov 2026 16:06:18…

30 րոպե ago

Ռոբերտ Քոչարյանին որպես սիմվոլ պետք է փայփայել

Ռոբերտ Քոչարյանին որպես սիմվոլ պետք է փայփայել Mon, 16 Nov 2026 15:23:47 +0400 Latest news…

1 ժամ ago

Գլուխները պատին են տալիս, թե հրաժարվում են Անկախության հռչակագրից․ Ղարաբաղ կոմիտեի անդամ

Գլուխները պատին են տալիս, թե հրաժարվում են Անկախության հռչակագրից․ Ղարաբաղ կոմիտեի անդամ Mon, 16 Nov…

1 ժամ ago