«Կրկնակի պղծություն». Մելիքյանը՝ Եկեղեցու դեմ «քննիչ հանձնաժողով» ստեղծելու «ՔՊ»-ի որոշման մասին

«Կրկնակի պղծություն». Մելիքյանը՝ Եկեղեցու դեմ «քննիչ հանձնաժողով» ստեղծելու «ՔՊ»-ի որոշման մասին

Sun, 04 Oct 2026 18:19:15 +0400


Փաստաբան Ռուբեն Մելիքյանը ֆեյսբուքյան իր էջում գրել է.

«Դե-ֆակտո խորհրդարանում քպ-ն ստեղծեց «քննիչ հանձնաժողով»՝ Հայ Առաքելական Սուրբ Եկեղեցու դեմ իր հալածանքը նորովի շարունակելու բացահայտ նպատակով։

Դե ինչ։ Դե-ֆակտո վարչապետը շարունակում է բոլորիս թելադրել իր օրակարգը, իսկ ընդդիմությունը դեռևս չի կարողանում այդ օրակարգին հակադրել ի՛ր օրակարգը, ավելի ճիշտ՝ դե-ֆակտո վարչապետին վարած քաղաքականությունը սկզբունքորեն չընդունող հարյուր-հազարավոր քաղաքացիների պահանջը սպասարկող օրակարգ։

Ու քանի դեռ չկա այլընտրանքային օրակարգ (հուսով եմ՝ ԴԵ՛Ռ չկա), ստիպված ենք արձագանքել նիկոլական օրակարգին։ Եվ «քննիչ հանձնաժողովի» միջոցով Հայ Եկեղեցու «հարցերը լուծելու» գաղափարը ես որակում եմ որպես «կրկնակի պղծություն»։

«Առաջին պղծությունը» հոգևորի դաշտում է։ Ոչ մի արտաքին կառույց իրավասու չէ քննել Հայ Եկեղեցու հարցերը։ Սա սկզբունք է։ Եվ դե-ֆակտո քննիչ հանձնաժողովի ստեղծման փաստն ինքնին ոտնահարում՝ պղծում է այդ սկզունքը։ Որքան էլ քարոզչական «նախաճաշ-մախաճաշ» կազմակերպի ռեժիմը՝ փորձելով իր օրակարգի համար ստանալ միջազգային լեգիտիմություն, միևնույն է, անհնար է քողարկել ակնհայտը – արևմտյան մոդելի պետությունը ԻՐԱՎՈՒՆՔ ՉՈՒՆԻ միջամտել Եկեղեցու ներքին հարցերին։ Վերջակետ։

«Երկրորդ պղծությունը» վերաբերում է ինքնին «քննիչ հանձնաժողովի» գաղափարին։ Պառլամենտարիզմի տեսության մեջ այն մտահղացվել և հետագայում սահմանադրական ամրագրում է ստացել՝ որպես ընդդիմությա՛ն գործիք։ Որպես իշխանությա՛նը սահմանափակող գործիք։ Իսկ դե-ֆակտո մեծամասնությունն այն այժմ օգտագործում է իր բուն նշանակությանը հակասող նպատակով, և այդ փաստն ինքնին նենգափոխում-պղծում է ժողովրդավարական այդ ինստիտուտի բուն գաղափարը»։

© 2026 Secure News Portal

Source: Hraparak

Hraparak.am

Recent Posts

Պատրաստվում են 24-ժամյա գործադուլի

Պատրաստվում են 24-ժամյա գործադուլի Tue, 17 Nov 2026 21:30:08 +0400 Իտալիայում աշխատավորները նոյեմբերի 20-ին կանցկացնեն…

11 րոպե ago

Ռազմական հանցագործություն կատարած ադրբեջանցի զինվորականների քրեական պատասխանատվությունը լինելու է

Ռազմական հանցագործություն կատարած ադրբեջանցի զինվորականների քրեական պատասխանատվությունը լինելու է Tue, 17 Nov 2026 21:30:06 +0400…

11 րոպե ago

Ընթանում է համախմբված ընդդիմության ներկայացուցիչների հանդիպումը երիտասարդների հետ

Ընթանում է համախմբված ընդդիմության ներկայացուցիչների հանդիպումը երիտասարդների հետ Tue, 17 Nov 2026 21:28:23 +0400 Ընթանում…

13 րոպե ago

ԱՄՆ-ում թռիչքների կառավարման խնդրի լուծումը մեծ ռեսուրսներ չի պահանջում

ԱՄՆ-ում թռիչքների կառավարման խնդրի լուծումը մեծ ռեսուրսներ չի պահանջում Tue, 17 Nov 2026 21:23:36 +0400…

18 րոպե ago

Թաղի «беседка»-ի նմանվող Ազգային ժողով,մահվան վիճակագրությամբ զբաղվող ՔՊ պաշտոնյաներ

Թաղի «беседка»-ի նմանվող Ազգային ժողով,մահվան վիճակագրությամբ զբաղվող ՔՊ պաշտոնյաներ Tue, 17 Nov 2026 21:21:25 +0400…

20 րոպե ago

«Կապի՞կ ես` բանանը ձեռքդ ֆռֆռում ես», «Ուրախ ես` նոր երկրներ տեսնելու համար, բայց դարձել ես ծաղրի առարկա».քոմենթներ

«Կապի՞կ ես` բանանը ձեռքդ ֆռֆռում ես», «Ուրախ ես` նոր երկրներ տեսնելու համար, բայց դարձել ես…

25 րոպե ago