Այս իշխանության օրոք Սյունիքի մարզում բնակչությունը 20 հազարով նվազել է

Այս իշխանության օրոք Սյունիքի մարզում բնակչությունը 20 հազարով նվազել է

Tue, 06 Oct 2026 18:19:10 +0400


ԱԺ հայտարարությունների ժամին «Ուժեղ Հայաստան» խմբակցության պատգամավոր Իրինա Յոլյանն անդրադարձել է Սյունիքում ադրբեջանցի զինծառայողի կողմից պետական սահմանը հատելու դեպքին՝ իշխանություններին մեղադրելով Հայաստանի սահմանների և քաղաքացիների անվտանգության պատշաճ պաշտպանությունը չապահովելու մեջ։

Պատգամավորի խոսքով՝ սա Սյունիքում նմանատիպ առաջին դեպքը չէ։ Նա հիշեցրել է նաև տարիներ առաջ տեղի ունեցած միջադեպը, որի հետևանքով ԶՊՄԿ-ի պահնորդ էր սպանվել։

Յոլյանի գնահատմամբ՝ նման դեպքերը պետք է լուրջ ազդակ լինեին իշխանությունների համար՝ առավել արդյունավետ իրականացնելու իրենց հիմնական գործառույթներից մեկը՝ ապահովելու երկրի սահմանների անձեռնմխելիությունն ու քաղաքացիների անվտանգությունը։

Ընդդիմադիր պատգամավորը, սակայն, հարց է բարձրացրել, թե ինչպես է հնարավոր եղել, որ ադրբեջանցին, անցնելով սարերով ու ձորերով, հասնի հայկական բնակավայր, առանց ճանապարհին որևէ պետական կառույցի կամ պատասխանատու անձի հանդիպելու։

«Եթե պաշտոնական հաղորդագրության համաձայն՝ ադրբեջանցի դասալիքը կարողացել է անարգել հասնել մինչև մեր բնակավայրերը, ապա ի՞նչ է լինելու այն դեպքում, երբ գործ ունենանք դիվերսիայի հետ»,- նշել է նա։

Յոլյանը նաև հարցադրում է արել, թե ինչպես կարող էր նման իրավիճակ ստեղծվել այն պայմաններում, երբ Սյունիքի գյուղական համայնքներում այս շրջանում պետք է ակտիվորեն իրականացվեին գյուղատնտեսական աշխատանքներ։

Նրա խոսքով՝ մարզում, միաժամանակ, բավարար պետական աջակցություն չի ցուցաբերվում գյուղատնտեսությամբ զբաղվող բնակչությանը։ Պատգամավորը նշել է, որ ստեղծվում է տպավորություն, թե գյուղական աշխատանքների կազմակերպումը թողնված է ցածր կենսաթոշակ ստացող քաղաքացիների վրա։

Յոլյանը նաև անդրադարձել է Սյունիքի ժողովրդագրական խնդիրներին՝ հայտարարելով, որ գործող իշխանությունների կառավարման տարիներին մարզի բնակչության թիվը շուրջ 20 հազարով նվազել է։

«Մեր գյուղական բնակավայրերն աստիճանաբար դատարկում եք»,- հայտարարել է ընդդիմադիր պատգամավորը։

«Այս իշխանության օրոք Սյունիքի մարզում բնակչությունը 20 հազարով նվազել է»,- ասել է նա:

© 2026 Secure News Portal

Source: Hraparak

Hraparak.am

Recent Posts

«Հրապարակ»․ Լրագրողները պետք է բոյկոտեն ու հարց չտան այդ մարդուն

«Հրապարակ»․ Լրագրողները պետք է բոյկոտեն ու հարց չտան այդ մարդուն Sat, 21 Nov 2026 10:15:13…

14 րոպե ago

«Հրապարակ»․ Անիի երեխաները վախենում են Սիսիան վերադառնալուց

«Հրապարակ»․ Անիի երեխաները վախենում են Սիսիան վերադառնալուց Sat, 21 Nov 2026 10:00:21 +0400 Շաքիի դեպքից…

28 րոպե ago

«Հրապարակ»․ Սրա համար Հայկ Նահապետից մինչեւ Գարեգին Նժդեհ` կոնֆլիկտ ստեղծողներ են

«Հրապարակ»․ Սրա համար Հայկ Նահապետից մինչեւ Գարեգին Նժդեհ` կոնֆլիկտ ստեղծողներ են Sat, 21 Nov 2026…

43 րոպե ago

«Հրապարակ»․ Եթե հանրաքվեն կայանա, նա հաղթելու է ռեպրեսիաներով, կեղծիքով

«Հրապարակ»․ Եթե հանրաքվեն կայանա, նա հաղթելու է ռեպրեսիաներով, կեղծիքով Sat, 21 Nov 2026 09:15:21 +0400…

1 ժամ ago

Անելանելի վիճակ

Անելանելի վիճակ Sat, 21 Nov 2026 09:00:19 +0400 Փակուղին, որում իր գործողությունների ու վարած քաղաքականության…

1 ժամ ago

«Հրապարակ»․ Նոր սահմանադրության մեջ գրվա՞ծ է, որ անձը չի կարող 10 տարուց ավելի պաշտոնավարել

«Հրապարակ»․ Նոր սահմանադրության մեջ գրվա՞ծ է, որ անձը չի կարող 10 տարուց ավելի պաշտոնավարել Sat,…

2 ժամ ago