«Հրապարակ»․ Դիվերսա՞նտ էր, թե՞ զինվոր, որին բռնաբարել են, եւ նա դեպրեսիայի մեջ եկել է Հայաստան՝ հաց ուտելու

«Հրապարակ»․ Դիվերսա՞նտ էր, թե՞ զինվոր, որին բռնաբարել են, եւ նա դեպրեսիայի մեջ եկել է Հայաստան՝ հաց ուտելու

Wed, 07 Oct 2026 10:45:35 +0400


«Հրապարակի» զրուցակիցը նախկին փոխոստիկանապետ, փաստաբան Հովհաննես Քոչարյանն է:

– Արդեն քանի օր է՝ հանրությունը ցնցված է ադրբեջանցի զինծառայողի՝ Հայաստան մուտք գործելու եւ հայ կնոջը հրազենով վիրավորելու փաստից: Մարդիկ կարծում են, որ այս ամենն իրավապահների թերացման արդյունքն է: Ի՞նչ գնահատական կտաք կատարվածին, ո՞վ է իրավիճակի պատասխանատուն, ո՞ր կառույցը:

– Պաշտոնատար անձանց, պետական մարմիններին մեղադրելու համար պետք է ընթացակարգ անցնել, պարզել` ով է թերացել: Ոչ մի փաստական տվյալի չենք տիրապետում, բայց ամբողջ երկիրը մեղավորների փնտրտուքի մեջ է: Հասարակության համար պարզ է, որ մեղավորը պետությունն է, որովհետեւ պետությունն է անվտանգության գարանտը, իսկ հասարակությունը թքած ունի, թե որ պաշտոնատար անձի թերացման արդյունքում է այս ամենը տեղի ունեցել: Մարդկանց համար սա ընդհանուր պետական պաշտպանության խնդիր է: Երբ հասարակությունն անհանգստանում է, հակադրվում է եւ պահանջում է պատժել ինչ-որ պետական պաշտոնյայի, դա հասկանալի է, զգացմունքային ռեակցիա է: Մենք պատերազմը չավարտած ժողովուրդ ենք, եւ ամեն մի հայ շատ ծանր է տանում այս կարգի ոտնձգությունները, բայց զգացմունքային շերտը թողնենք մի կողմ, գանք անվտանգությանը վերաբերող խնդիրներին: Մենք պետք է հասկանանք, թե որն է մեր բաց տեղը, որպեսզի այն կարողանանք փակել: Այս ամբողջ թոհուբոհի մեջ մենք մեր անվտանգության բացերը մոռացել ենք: Ոչ կենսունակ պետական ապարատի ցցուն դրսեւորում է սա: Մարդիկ, իրենց բանուգործը թողած, գուշակություններով են զբաղված` ինչի համար, եթե կարելի է ամեն հարցի պատասխանը տալ օրերի, գոնե ամիսների ընթացքում: Հասարակությանը պետք է բացատրել, հետո նոր անցնել մեղավորների փնտրտուքին:

– Բայց հանրության զգալի հատվածը չի հավատում իշխանության խոսքերին: Հատկապես 44-օրյա պատերազմից հետո, երբ Արծրուն Հովհաննիսյանն ամեն օր անամոթաբար խաբում էր մարդկանց, մարդիկ հավատը կորցրել են պետական պաշտոնյաների խոսքի հանդեպ: Իսկ սահմանամերձ շրջաններում ապրող մարդիկ անհանգիստ են եւ կարծում են, որ ունեն անվտանգության լրջագույն խնդիր:

– Եթե պետական մարմինների նկատմամբ չկա վստահություն, ապա կան պառլամենտական քննիչ հանձնաժողովներ, կա հասարակական քննության ինստիտուտ: Այսինքն` կան խողովակներ, որոնք կարող են բարձրացնել վստահության մակարդակը: Մենք խնդիրը չենք ախտորոշում, ուղղակի միայն դրան արձագանքում ենք: Հիմա պետք է հասկանալ` սա դիվերսա՞նտ էր՝ հատուկ պատրաստված, հատուկ նպատակներով, որպեսզի գուցե հայ-ադրբեջանական հաշտեցման հարցը մտնի փակուղի, թե՞ ինչ-որ մի զինվոր է, որին բռնաբարել են, եւ նա, դեպրեսիայի մեջ, եկել է Հայաստան` հաց ուտելու: Այսքան արյուն թափելուց հետո գոնե պետք է դուրս գանք այս մանկական, ինֆանտիլ մտածողությունից: Մենք պրոբլեմը չենք թիրախավորում, թիրախավորում ենք միայն անձերին: Տալիս ենք միայն հանգստացնող էֆեկտ: Ազատում ենք ինչ-որ պաշտոնատար անձի, բայց այդ անձը, գուցե իր կաբինետում նստած՝ ոչ մի բանից տեղյակ չի եղել: Ինչի՞ եք նրան ազատում:

– Հասարակության արդարացի զայրույթն այն է, որ ինչ-որ մի շարքային ադրբեջանցի զինվոր 3 օր շարունակ կարողացել է մոլորեցնել Հայաստանի ամբողջ իրավապահ համակարգին:

– Մենք գիտենք, որ սահմանային վերահսկման մեխանիզմները հայ-ադրբեջանական սահմանին կատարյալ չեն: Մշակված չեն, եւ մենք գիտենք, որ պատերազմի ավարտից հետո հայ-ադրբեջանական սահմանի զգալի մասը լավ վիճակում չէ: Հասարակությունն իրավունք ունի վրդովվելու, ի վերջո, հասարակություն է, բայց հասարակական էմոցիաների վրա սխալ է պաշտոնանկություններ անելը: Պետք է ինքներս մեզ դիագնոզենք: Բայց մենք դա չենք կարողանում անել:

– Շաքիի բնակիչ Անի Ավետիսյանի վիճակը ծանր է: Նա կարող է անգամ կորցնել ոտքը: Ո՞վ է այդ ամենի պատասխանատուն: Պետք է, չէ՞, լինի պատասխանատու կառույց: Ո՞ր կառույցն է դա:

– Պատասխանատվությունը բաժանենք երկու մասի: Եթե խոսում ենք բարոյաքաղաքական պատասխանատվության մասին, ապա պատասխանատուն պետությունն է, այստեղ չկա երկրորդ կարծիք: Պետությունն է իր քաղաքացու անվտանգությունը երաշխավորողը, բայց եթե գալիս ենք իրավաբանական դաշտ, ես կասեմ, որ թիվ մեկ պատասխանատուն ադրբեջանցի դուրսպրծուկն է, որը վիրավորել է հայ կնոջը, եւ այն պաշտոնատար անձինք են, որոնց վատ աշխատանքի պատճառով առաջացել են անվտանգային սողանքներ: Ո՞նց կարելի է մեղավորության հարցի մասին խոսել՝ իրավական եւ քաղաքական հարցերն իրար խառնելով: Խառնել ենք, որ այս օրին ենք հասել: Ի վերջո, պետք է հարց բարձրացնել` այն անձանց, որոնց պաշտոնանկ արեցին, մեղավո՞ր էին, թե՞ ոչ:

– Իրավապահները` ԱԱԾ-ականները, ամիսներ առաջ Գագիկ Ծառուկյանին բռնության ենթարկելով` փռեցին ասֆալտին, նկարահանեցին այդ ամենը: Ո՞ւր են այդ նույն ԱԱԾ-ականները, ինչո՞ւ ադրբեջանցուն էլ նման ձեւով բերման չեն ենթարկում: Եկել է նրանց ուժը ցույց տալու իրական ժամը, հանրության բարկությունը նաեւ հենց այս պատճառով է:

– Մենք չգիտենք, թե ադրբեջանցուն ինչպես են բերման ենթարկել: Միգուցե նրան էլ են նման ձեւով բերման ենթարկել:

– Եթե չեն նկարել, հանրությանը ցույց չեն տվել, ուրեմն միայն քաղաքական պատվերների շրջանակում են նկարահանում այդ պրոցեսները:

– Ես քաղաքական գործիչ չեմ, եթե ինձ հարցնեք` արժե՞ր այդ կադրերը հրապարակել, ես կասեի` ոչ: Ինչո՞ւ, որովհետեւ եթե նման բան անեինք, եթե ադրբեջանցուն ասֆալտափռման ժամանակ նկարեին եւ կադրերը հրապարակեին, ապա հայ գերիներին Ադրբեջանում խոշտանգելու էին եւս մի քանի անգամ: Գործ ունենք հրեշավոր պետության հետ:

– Կարծում եք` Փաշինյանի ռեժիմն այդքան մտահո՞գ է հայ ռազմագերիների ճակատագրով:

– Կասկած չունեմ, որ հայ ռազմագերիներին ավելի շատ կխոշտանգեին: Մենք ունենք անպաշտպան գերիներ, որոնց նկատմամբ իրավապաշտպան որեւէ վերահսկողություն գոյություն չունի: Մարդկանց հոշոտում են այնտեղ:

© 2026 Secure News Portal

Source: Hraparak

Hraparak.am

Recent Posts

Կատակել են Նոբելյան մրցանակի թեմայով

Կատակել են Նոբելյան մրցանակի թեմայով Sat, 21 Nov 2026 00:30:45 +0400 ՌԴ նախագահ Վլադիմիր Պուտինը…

6 ժամ ago

Նոր գերհզոր հրթիռ են արտադրել

Նոր գերհզոր հրթիռ են արտադրել Sat, 21 Nov 2026 00:00:30 +0400 Իրանը ներկայացրել է նոր…

6 ժամ ago

ԵՊՀ դասախոսը կրկին հաղթեց

ԵՊՀ դասախոսը կրկին հաղթեց Fri, 20 Nov 2026 23:48:05 +0400 Վերաքննիչ դատարանի (նախագահող դատավոր Ի.…

6 ժամ ago

Ռիհաննան իր մեկ տարեկան դստերը բերել է պոդիում

Ռիհաննան իր մեկ տարեկան դստերը բերել է պոդիում Fri, 20 Nov 2026 23:45:48 +0400 Ռիհաննան…

6 ժամ ago

Բրիտանիան ու Նորվեգիան Ուկրաինային կտրամադրեն 2 արագընթաց ռազմական նավ

Բրիտանիան ու Նորվեգիան Ուկրաինային կտրամադրեն 2 արագընթաց ռազմական նավ Fri, 20 Nov 2026 23:30:14 +0400…

7 ժամ ago

«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան

«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան Fri,…

7 ժամ ago