Ալժիրը ԵՄ-ի միջոցով ռազմական բեռներ է տեղափոխում Ռուսաստան․ ԶԼՄ
Wed, 07 Oct 2026 13:30:34 +0400
Ալժիրի ռազմա-տրանսպորտային ինքնաթիռները պարբերաբար թռիչքներ են կատարում Ռուսաստան ԵՄ երկրների, այդ թվում՝ Լեհաստանի օդային տարածքով:
Օրինակ՝ հոկտեմբերի 6-ին C-130H-30 Hercules-ը թռիչք է կատարել Ալժիրից, թռել է ԵՄ մի քանի երկրների վրայով, ապա՝ Լեհաստանի և Բելառուսի վրայով դեպի Մոսկվա, հաղորդում է Defence24-ը:
Հրապարակման համաձայն՝ թռիչքները Ալժիրի և Ռուսաստանի միջև ռազմատեխնիկական համագործակցության մաս են կազմում և կարող են օգտագործվել զենքի և օժանդակ անձնակազմի տեղափոխման համար:
Վերջին շաբաթներին նկատվել են նաև Il-76MD, C-130H/H-30 և LM-100J Super Hercules ինքնաթիռներ, պնդում է մեդիաղբյուրը։