Քադաֆիի դուստրը կարող է դառնալ Լիբիայի նոր ղեկավարը
Wed, 07 Oct 2026 18:30:09 +0400
Լիբիայի նախկին ղեկավար Մուամար Քադաֆիի դուստրը՝ Այիշա Քադաֆին առաջին տեղն է զբաղեցրել անցկացված ոչ պաշտոնական հարցախույզում առ այն, թե ում կնախընտրեին լիբիացիները տեսնել իրենց երկրի ղեկավարի պաշտոնում։ Այս մասին հայտնում է Al Hadath ՀԸ-ն։
Ուշագրավ է այն, որ ավելի քան կես միլիոն հարցվածներից մոտ 142 հազարը նրա օգտին է արտահայտվել։ Այիշա Քադաֆին երկրորդ տեղում հայտնված իր մրցակցից առաջ է 30 հազար ձայնով։ Շատերը հայտարարել են, որ կուզենային, որպեսզի Այիշա Քադաֆին գլխավորեր իր զոհված եղբոր՝ Սեյֆ ալ-Իսլամ Քադաֆիի ստեղծած շարժումը։ Ինքը՝ Այիշա Քադաֆին դեռ չի մեկնաբանել այս հարցախույզի արդյունքները եւ դեռ հայտնի չէ, թե Օմանում քաղաքական ապաստան ստացած Այիշան համաձայն է արդյոք մուտք գործել քաղաքականություն եւ ստանձնել քաղաքական լիդերության պարտականություններ։