Տարկետում ստացածների համար նոր կարգավորու՞մ

Տարկետում ստացածների համար նոր կարգավորու՞մ

Thu, 08 Oct 2026 11:23:11 +0400


Հայաստանում տարկետում ստացած քաղաքացիների որոշ խմբերի համար պարտադիր զինվորական ծառայության զորակոչի տարիքային շեմը կարող է բարձրացվել՝ հասնելով 32 տարեկանի։ Կառավարությունն այսօրվա նիստում հաստատել է ԿԳՄՍ նախարարության ներկայացրած համապատասխան նախագիծը։

Գործող կարգավորմամբ՝ Հայաստանում պարտադիր զինվորական ծառայության զորակոչի ենթակա են մինչև 27 տարին լրանալը։ Սակայն նոր նախաձեռնությամբ նախատեսվում է առանձին դեպքերում այդ սահմանը բարձրացնել։

ԿԳՄՍ նախարարության հիմնավորմամբ՝ որոշ քաղաքացիներ, հատկապես արտասահմանյան բուհերում սովորողները, ուսումնական գործընթացը չեն հասցնում ավարտել գործող ժամկետներում։ Պատճառը տարբեր բուհերում կրթության կազմակերպման, մասնագիտության կամ հետազոտական աշխատանքի առանձնահատկություններն են։

Խնդիր է առաջանում նաև այն քաղաքացիների դեպքում, որոնք մասնագիտական կրթությունն ավարտելուց հետո պետք է առնվազն երեք տարի Հայաստանում աշխատեն կառավարության սահմանած ոլորտում՝ համապատասխան տարկետումից օգտվելու պայմանով։ Նրանց մի մասը չի կարողանում օգտվել այդ հնարավորությունից, քանի որ ուսումը ավարտելու պահին արդեն հասած է լինում զորակոչի ենթակա լինելու օրենքով սահմանված տարիքային շեմին։

Նախարարության գնահատմամբ՝ խնդիրը հատկապես ակնհայտ է ասպիրանտների դեպքում։ ԿԳՄՍՆ-ի տվյալներով՝ նրանք ուսումն ավարտում են հիմնականում 27 կամ 28 տարեկանում, մինչդեռ նախատեսված տարկետումից օգտվելու համար անհրաժեշտ է, որ դրանից հետո ևս առնվազն երեք տարի պահպանվի զորակոչի ենթակա լինելու հնարավորությունը։

Նախագծի ընդունմամբ այս խմբի քաղաքացիների համար նախատեսվում է լուծել այդ տարիքային սահմանափակման խնդիրը՝ զորակոչի շեմը որոշ դեպքերում հասցնելով մինչև 32 տարեկանի։

© 2026 Secure News Portal

Source: Hraparak

Hraparak.am

Recent Posts

Նիկոլին այլևս իր ընտրողները չեն հետաքրքրում

Նիկոլին այլևս իր ընտրողները չեն հետաքրքրում Fri, 20 Nov 2026 00:15:06 +0400 Շատ ընդդիմադիրներ կարծում…

6 ժամ ago

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան Fri, 20 Nov 2026 00:05:57 +0400…

6 ժամ ago

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո Thu, 19 Nov 2026 23:45:44…

6 ժամ ago

Մարսի վրա տարօրինակ գոյացություններ են հայտնաբերվել

Մարսի վրա տարօրինակ գոյացություններ են հայտնաբերվել Thu, 19 Nov 2026 23:30:11 +0400 Գիտնականները Մարս մոլորակի…

6 ժամ ago

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը Thu, 19 Nov 2026 23:25:54 +0400…

6 ժամ ago

Տիմատին գնել է բացառիկ Ferrari F50 մեքենա

Տիմատին գնել է բացառիկ Ferrari F50 մեքենա Thu, 19 Nov 2026 23:23:06 +0400 43-ամյա ռեփեր…

6 ժամ ago