ԼԳԲՏ-ն «գլխացավանք» է դարձել Ադրբեջանի համար․ օրենք կընդունեն
Sat, 10 Oct 2026 14:30:02 +0400
Ադրբեջանում ծրագրում են ընդունել ԼԳԲՏ քարոզչությունն արգելող օրենք, հայտնում են տեղի լրատվամիջոցները։
Նոր օրենքը սահմանափակումներ է նախատեսում նման բովանդակության տարածման վրա ԶԼՄ-ներում, համացանցում, գովազդներում, կինոներում և կրթական հաստատություններում։
Արգելքը կարող է ներառել անչափահասների շրջանում ոչ ավանդական սեռական կողմնորոշումը և պեդոֆիլիան խթանող նյութերի տարածումը։
Խախտումները կպատժվեն տուգանքներով, իսկ կրկնակի խախտումները կհանգեցնեն վարչական կալանքի։ Կարող է կասեցվել ԶԼՄ-ների գործունեությունը, իսկ արտասահմանյան լրատվամիջոցները կարող են զրկվել երկրում իրենց աշխատանքային թույլտվություններից։ Լրատվամիջոցների սեփականատերերն ու ղեկավարները նույնպես կենթարկվեն պատասխանատվության։
Նախաձեռնության հայտարարված նպատակն է պաշտպանել երեխաներին այնպիսի տեղեկատվությունից, որը կարող է վնասակար լինել նրանց առողջության և զարգացման համար։